Harbhajan Singh: સિદ્ધુ સાથે મુલાકાતના 9 દિવસ બાદ નિવૃત્તિ! રાજકારણની પિચ પર જોવા મળશે ભજ્જી? – harbhajan singh retires from all forms of cricket will he join politics?

0


હાઈલાઈટ્સ:

  • તાજેતરમાં જ હરભજન સિંહે પંજાબ કોંગ્રેસ અધ્યક્ષ નવજોત સિંહ સિદ્ધુ સાથે મુલાકાત કરી હતી
  • અટકળો ચાલી રહી છે કે હરભજન સિંહ કોંગ્રેસમાં જોડાઈને રાજકારણની પિચ પર એન્ટ્રી કરી શકે છે

ભારતીય ક્રિકેટ ટીમના દિગ્ગજ સ્પિનર હરભજન સિંહે ક્રિકેટના તમામ ફોર્મેટમાંથી નિવૃત્તિની જાહેરાત કરી છે. હરભજને શુક્રવારે સોશિયલ મીડિયા દ્વારા પોતાની નિવૃત્તિની જાહેરાત કરી હતી. આ સાથે જ તેની 23 વર્ષની કારકિર્દી પર પડદો પડી ગયો છે. પરંતુ આ સાથે જ કેટલીક અટકળો પણ શરૂ થઈ ગઈ છે. માનવામાં આવી રહ્યું છે કે હવે હરભજન સિંહ રાજકારણમાં ઝંપલાવવાની તૈયારીમાં છે.

તાજેતરમાં જ હરભજને પંજાબ કોંગ્રેસ અધ્યક્ષ નવજોત સિંહ સિદ્ધુ સાથે મુલાકાત કરી હતી અને ત્યારથી અટકળો શરૂ થઈ ગઈ હતી કે તે રાજકારણમાં આવશે. સિદ્ધુએ હરભજન સાથેની પોતાની તસ્વીર શેર કરીને કેપ્શન લખ્યું હતું કે, આ તસ્વીર સંભાવનાઓથી ભરેલી છે.

સાઉથ આફ્રિકામાં 199 રન નોંધાવતા જ ખાસ યાદીમાં સામેલ થશે કોહલી
કેટલાક મીડિયાએ સૂત્રોના હવાલેથી ટાંકતા લખ્યું હતું કે, આગામી દિવસોમાં કોંગ્રેસ જાલંધરમાં કોઈ વિધાનસભા ક્ષેત્રથી હરભજન સિંહને ચૂંટણી મેદાનમાં ઉતારવા ઈચ્છે છે. આ અંગે હરભજન સિંહ સાથે વાતચીત ચાલી રહી છે પરંતુ હજી સુધી કંઈ ફાઈનલ થયું નથી. અગાઉ હરભજન ભાજપમાં જોડાશે તેવી અટકળો પણ ચાલી હતી પરંતુ ભારતીય ક્રિકેટરે તેને ફેક ગણાવીને ફગાવી દીધી હતી. ત્યારબાદ પંજાબ કોંગ્રેસ અધ્યક્ષ સિદ્ધુ સાથેની તસ્વીરે અટકળોને અલગ જ વળાંક આપી દીધો.

સિદ્ધુ સાથેની તસ્વીર સામે આવી તેના નવ દિવસ બાદ હરભજને નિવૃત્તિની જાહેરાત કરી દીધી છે. તેવામાં લોકોને લાગી રહ્યું છે કે હવે તે ક્રિકેટની પિચથી રાજકારણની પિચ પર આવશે.
ભારત વિ. સાઉથ આફ્રિકાઃ રિશભ પંત તોડી શકે છે ધોનીનો આ મોટો રેકોર્ડ
કોલકાતા ટેસ્ટે બદલી નાખી કારકિર્દી
ટર્બનેટર તરીકે જાણીતા હરભજનની ગણના દિગ્ગજ સ્પિનરોમાં થાય છે. તેણે પોતાની શાદનાર બોલિંગથી ટીમને ઘણી મેચો જીતાડી છે. જોકે, તેની કારકિર્દીની સાથે સાથે ભારતીય ક્રિકેટ ઈતિહાસની યાદગાર કોલકાતા ટેસ્ટ સૌથી ટોચ પર છે. 2001માં ઓસ્ટ્રેલિયા વિરુદ્ધ કોલકાતામાં રમાયેલી ટેસ્ટમાં હરભજને ઐતિહાસિક હેટ્રિક લીધી હતી. ત્યારે તે ફક્ત 21 વર્ષનો જ હતો. જોકે, આ ટેસ્ટ બાદ તે ભારતીય ટીમનો મહત્વનો ખેલાડી બની ગયો હતો. 2001માં ઓસ્ટ્રેલિયા વિરુદ્ધ રમાયેલી સીરિઝમાં તેણે 32 વિકેટ ઝડપી હતી. આ શ્રેણીમાં જ તે ટેસ્ટમાં હેટ્રિક ઝડપનારો પ્રથમ ભારતીય બન્યો હતો.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here