mig 21 crash: રાજસ્થાનમાં વાયુસેનાનું મિગ-21 ફાઈટર જેટ ક્રેશ, પાઈલટનું મોત – mig-21 fighter aircraft of the indian air force crashed in jaisalmer

0


હાઈલાઈટ્સ:

  • રાજસ્થાનના જેસલમેરમાં વાયુસેનાનું મિગ-21 ફાઈટર જેટ ક્રેશ
  • જેટ પ્લેન ક્રેશ થયા બાદ પાઈલટની શોધખોળ શરૂ- સુત્ર
  • ભારત અને પાકિસ્તાનની બોર્ડર પાસે એક ગામમાં ક્રેશ થયું ફાઈટર જેટ

તમિલનાડુના કુન્નુરમાં 8 ડિસેમ્બરે થયેલ હેલિકોપ્ટર ક્રેશ દુર્ઘટનામાં પ્રથમ સીડીએસ બિપિન રાવત સહિત 14 લોકોનાં મોત નિપજ્યા હતા. તેવામાં આજે રાજસ્થાનના જેસલમેર પાસે વાયુસેનાનું મિગ-21 ફાઈટર જેટ દુર્ઘટનાગ્રસ્ત થયું હોવાના સમાચાર સામે આવી રહ્યા છે. જેસલમેરમાં ભારત અને પાકિસ્તાનની બોર્ડર પાસે આવેલ એક ગામમાં મિગ-21 ક્રેશ થઈ ગયું હતું. મીડિયા રિપોર્ટ્સના જણાવ્યા અનુસાર આ પ્લેન ક્રેશ થયા બાદ પાઈલટની શોધખોળ શરૂ કરી દેવામાં આવી છે. જો કે, હવે જાણકારી મળી રહી છે કે, આ દુર્ઘટનામાં પાઈલટનું મોત નિપજ્યું છે.

mig-21 crash

આ મામલે જેસલમેરના એસપી અજય સિંહે પીટીઆઈ સાથેની વાતચીતમાં જણાવ્યું હતું કે, ભારતીય વાયુસેનાનું મિગ-21 ફાઈટર પ્લેન શુક્રવારની સાંજે રાજસ્થાનના જેસલમેરની પાસે ક્રેશ થઈ ગયું છે. આ પ્લેન સેમ પોલીસ સ્ટેશન હેઠળ આવતાં ડેઝર્ટ નેશનલ પાર્ક વિસ્તારમાં ક્રેશ થયું છે. સ્થાનિક પોલીસ તાત્કિલાક ઘટનાસ્થળે પહોંચી ગઈ હતી.
આ મામલે ભારતીય વાયુસેનાના સત્તાવાર ટ્વિટર હેન્ડલ પરથી ટ્વીટ કરીને જાણકારી આપવામાં આવી હતી. વાયુસેનાએ જણાવ્યું હતું કે, આજે સાંજે લગભગ 8.30 વાગ્યાની આસપાસ ભારતીય વાયુસેનાનું મિગ-21 એરક્રાફ્ટ ટ્રેનિંગ દરમિયાન વેસ્ટર્ન સેક્ટરમાં દુર્ઘટનાગ્રસ્ત થઈ ગયું હતું. આ મામલે તપાસના આદેશ આપી દેવામાં આવ્યા છે.
ઓમિક્રોનની ઝડપ વધી, મહારાષ્ટ્રમાં 108 કેસ સહિત દેશમાં આંકડો 350ને પાર
પ્રાથમિક જાણકારી અનુસાર ફાઈટર જેટ જે જગ્યાએ ક્રેશ થયુ છે, તે પાક બોર્ડરની પાસે છે અને આ એક પ્રતિબંધિત ક્ષેત્ર છે. અને તેમાં જવાની મંજૂરી કોઈને આપવામાં આવતી નથી. આ વિસ્તાર સુદાસરી ડેઝર્ટ નેશનલ પાર્કમાં છે અને સમગ્ર વિસ્તાર સેનાના કંટ્રોલમાં હોય છે. દુર્ઘટનાનું સ્થળ જેસલમેરથી લગભગ 70 કિમી દૂર છે. ઉલ્લેખનીય છે કે, આ અગાઉ ઓગસ્ટ 2021માં પણ બાડમેરમાં મિગ-21 વિમાન ક્રેશ થયું હતું. જો કે, આ દુર્ઘટનામાં પાઈલટનો આબાદ બચાવ થયો હતો.

ભારતીય વાયુસેનાએ પાઈલટના મોતની પુષ્ટિ કરી છે. વાયુસેનાએ માહિતી આપતા લખ્યું કે, ખુબ જ દુઃખ સાથે, આજે સાંજે થયેલ દુર્ઘટનામાં વિંગ કમાન્ડર હર્ષિત સિન્હાનું દુઃખદ નિધન થયું છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here