gujarat weather forecast: માવઠા સાથે રાજ્યના હવામાનમાં આવ્યો પલ્ટો, અમદાવાદ ઠંડુગાર બન્યું – ahmedabad and gujarat weather changed, rainfall forecast for two days

0


હાઈલાઈટ્સ:

  • લો પ્રેશર અને વેસ્ટર્ન ડિસ્ટર્બન્સના લીધે ગુજરાતના હવામાનમાં આવ્યો પલ્ટો
  • રાજ્યના સૌરાષ્ટ્ર અને દક્ષિણ ગુજરાતમાં ભારેથી અતિભારે વરસાદની આગાહી
  • બોટ ઊંધી વળી જવાના કારણે દીવમાં યુવા ખલાસીનું મોત થઈ ગયું છે

અમદાવાદઃ ગુજરાતમાં માવઠા બાદ વાતાવરણ વધારે ઠંડું થઈ ગયું છે. મહત્તમની સાથે લઘુત્તમ તાપમાનમાં પણ ઘટાડો થયો છે. વહેલી સવારે અને રાત્રે ઠંડીનો ચમકારો અનુભવાય તેવી ઠંડી આજે સવારના સમયે પડી રહી છે. માવઠા પછી ઠંડીનું પ્રમાણ વધવાથી અમદાવાદમાં હિલ સ્ટેશન જેવો માહોલ સર્જાયો છે. બીજી તરફ સૌરાષ્ટ્રમાં વરસાદના કારણે ખેડૂતોની ચિંતામાં વધારો થયો છે. રાજ્યમાં આજના દિવસે અમદાવાદ સહિત સૌરાષ્ટ્ર અને દક્ષિણ ગુજરાતના ઘણાં જિલ્લાઓમાં વરસાદ નોંધાયો છે. લો પ્રેશર અને વેસ્ટર્ન ડિસ્ટર્બન્સના લીધે હવામાનમાં પલ્ટો આવ્યો છે. આ સાથે માછીમારોને દરિયામાં ના જવા માટે હવામાન વિભાગ દ્વારા જણાવવામાં આવ્યું છે. આગામી દિવસોમાં ઠંડીનું જોર વધવાની પણ આગાહી કરવામાં આવી છે.

દીવમાં બોટ ઊંધી થવાની ઘટનામાં એક 31 વર્ષના ખલાસી બેલીમ અનવર કાસમનું મોત થયું છે. આ બોટ વણાંકવારાની હતી અને દરિયામાં તોફાની મોજાના લીધે બોટ ઊંધી થઈ જતાં ખલાસી કાસમનું મોત થઈ ગયું હતું. આજે હવામાન વિભાગ દ્વારા અમદાવાદ સહિત સુરત, તાપી, વલસાડ, ભરુચ, નવસારી, નર્મદા, ડાંગ, છોટા ઉદેપુર, પંચમહાલ, સુરેન્દ્રનગર, પોરબંદર, જૂનાગઢ, અમરેલી, ગીર સોમનાથ અને દીવમાં હળવાથી ભારે વરસાદ થવાની આગાહી વ્યક્ત કરવામાં આવી છે.

IPL: પંડ્યા બ્રધર્સ જ નહીં, આ મોટા ખેલાડીઓને પણ રિટેન નથી કરાયા, ઓક્શનમાં લાગશે બોલી

હવામાન વિભાગે રાજ્યના માછીમારોને 30 નવેમ્બરથી 4 ડિસેમ્બર સુધી દરિયો ના ખેડવા માટેની સૂચના આપી હતી. સૌરાષ્ટ્ર અને દક્ષિણ ગુજરાત પાસે બની રહેલા લો પ્રેશરના કારણે દરિયામાં કરંટ જોવા મળી રહ્યો છે. જેમાં ખાસ કરીને દ્વારાકા, વેરાવળ, દીવ, જાફરાબાદ, પીપાવાવ, વિક્ટર, ભાવનગર, અલંગ, ભરુચ, દહેજ, મગદલ્લા, દમણમાં 1 અને 2 ડિસેમ્બર દરમિયાન દરિયામાં કરંટ રહેવાની આગાહી કરવામાં આવી છે. આ દરમિયાન 45-55 કિલોમીટરની ઝડપે પવન ફૂંકાવાની સંભાવના વ્યક્ત કરવામાં આવી છે.

માર્કેટ યાર્ડમાં ખુલ્લામાં પડેલી મગફળી સહિતના પાકને નુકસાન થયું છે. હવામાન વિભાગ દ્વારા વરસાદની આગાહી કરવામાં આવી હોવા છતાં તૈયાર થયેલો પાક ખુલ્લામાં પડ્યો રહ્યો હોવાથી વરસાદના કારણે નુકસાન થયું છે. હવે આ નુકસાન કેટલું થયું છે તે અંગેનો સ્પષ્ટ આંકડો હજુ સુધી સામે આવ્યો નથી.

સાઉથ આફ્રિકામાં થયેલા ગંભીર અકસ્માતમાં ભરુચના એક જ પરિવારના ત્રણના મોત
સવારે થયેલા કમોસમી વરસાદ બાદ અમદાવાદ સહિત આસપાસના વિસ્તારોમાં ઠંડક પ્રસરી ગઈ છે. આજે સહિત આગામી બે દિવસ વરસાદી માહોલ રહેવાની આગાહી વ્યક્ત કરવામાં આવી છે. બીજી તરફ કમોસમી વરસાદની આગાહીની સાથે હવામાન વિભાગ દ્વારા ખેડૂતોને કેટલીક સૂચના પણ આપવામાં આવી છે કે જેથી કરીને ઉભા પાકને કે ખુલ્લામાં મૂકેલા પાકને નુકસાનથી બચાવી શકાય.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here