work from home: હજુ પણ ઘરેથી જ કામ કરતા લોકો માટે હેલ્થ એક્સપર્ટની શું છે સલાહ? – health advice for those who are doing work from home

0


હાઈલાઈટ્સ:

  • વજન ઘટાડવાનું શરૂ કરતા પહેલા એક વાત સમજવી જરૂરી છે કે શરીરનું ફેટ એટલે કે ચરબી કેવી રીતે ઓછી થાય છે
  • ઘણાં લોકો મોડી રાત સુધી કાર્બોહાઈડ્રેટથી ભરપૂર ભોજન કરતા હોય છે. આ પ્રકારની આદતથી ઈન્સુલિન વધી શકે છે.
  • જો તમે પણ રાત્રે ભોજન કરો છો તો ઓછું જમો. આ સિવાય જમવામાં પ્રોટીનથી ભરપૂર અને મહત્તમ શાકભાજી ખાવા જોઈએ.

કોરોના વાયરસની આ મહામારીથી વર્ક ફ્રોમ હોમ એટલે કે ઘરેથી કામ કરવાનો ટ્રેન્ડ જોવા મળી રહ્યો છે. ઘરે બેઠા-બેઠા કલાકોના કલાકો કામ કરતા ઘણાં લોકોનું વજન ખૂબ વધી ગયું છે. ત્યારે હવે તેઓને એ વાતની ચિંતા સતાવી રહી હશે કે આ વજન કેવી રીતે ઓછું કરીશું? સોશિયલ મીડિયા ઈન્સ્ટાગ્રામ પર એક નવા વિડીયોમાં વજન ઘટાડવા માટેનું સિક્રેટ શેર કરાયું છે. તો ચાલો જાણીએ વજન ઘટાડવા અંગે શું કહી રહ્યા છે હેલ્થ એક્સપર્ટ?

લગ્નપ્રસંગમાં જમતા પહેલા જાણી લો સેલેબ્રિટી ન્યૂટ્રિશનિસ્ટ ઋજુતા દિવેકરની આ ખાસ સલાહ
વજન ઘટાડવાનું શરૂ કરતા પહેલા એક વાત સમજવી જરૂરી છે કે શરીરનું ફેટ એટલે કે ચરબી કેવી રીતે ઓછી થાય છે અને કયા હોર્મોન વજન ઓછું કરવામાં તમારી મદદ કરી શકે છે. પરંતુ, ઘણાં લોકો વજન ઘટાડવા માટે એકથી બીજા ડાયટ તરફ જતા રહેતા હોય છે. જેમાં તેઓ કીટો ડાયટથી કાર્બ ડાયટ, હાઈ પ્રોટીન અને વીગનથી લઈને ઈન્ટરમિટેન્ટ ફાસ્ટિંગ સાથે ફેટ બર્ન એટલે કે શરીરની ચરબી ઘટાડવાની રીત શોધતા હોય છે.

q5

પ્રતીકાત્મક તસવીર

તેઓ જણાવે છે કે શરીરમાં ઈન્સુલિનનું સ્તર જાળવી રાખવું ખૂબ જરૂરી છે. શરીરમાં ઈન્સુલિન ખૂબ વધારે પણ ના હોવું જોઈએ અને ઓછું પણ ના હોવું જોઈએ. શરીરમાં ઈન્સલિનનું લેવલ જાળવી રાખવા માટે દરેક સમયે ખાતા રહેવું જોઈએ નહીં. જ્યારે ભૂખ લાગે ત્યારે જ ખાવું જોઈએ. ફાઈબર વધારે હોય તેવો ખોરાક લેવો જોઈએ.

q4

પ્રતીકાત્મક તસવીર

ઘણાં લોકો મોડી રાત સુધી કાર્બોહાઈડ્રેટથી ભરપૂર ભોજન કરતા હોય છે. આ પ્રકારની આદતથી ઈન્સુલિન વધી શકે છે. આવા ભોજનથી આખી રાત ઈન્સુલિન લેવલ વધારે રહે છે. જો તમે પણ રાત્રે ભોજન કરો છો તો ઓછું જમો. આ સિવાય જમવામાં પ્રોટીનથી ભરપૂર અને મહત્તમ શાકભાજી ખાવા જોઈએ. કાર્બોહાઈડ્રેટથી ભરપૂર ભોજન લેવાનું ટાળવું જોઈએ.

નિયમિત કસરત કરો અને તણાવ ઘટાડો

વજન ઘટાડવા માટે સવારે કસરત કરવી જોઈએ. તેમજ સવારે કસરત કરીને આખો દિવસ સક્રિય રહેવું જોઈએ. તમારી ઊંઘવાની આદત સુધારો અને તણાવ ઘટાડવાનો પ્રયાસ કરો. જો તમે તણાવમાં છો અને સારી રીતે ઊંઘ નથી આવતી તો તમને ખાંડ ખાવાની ઈચ્છા થઈ શકે છે. શરીર સારું રહે તે માટે ઈન્સુલિનનું સ્તર સામાન્ય રાખવું જરૂરી છે.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here