TDO caught by ACB for taking bribe: પંચમહાલઃ મહિલા ટીડીઓ સહિત ચાર વ્યક્તિ 2.45 લાખની લાંચ લેવા જતાં ઝડપાયાં – tdo in panchmahal district caught taking bribe by acb

0


હાઈલાઈટ્સ:

  • તાલુકા વિકાસ અધિકારી કુ. ઝરીના અન્સારી દ્વારા રુ. 4.45 લાખની લાંચ માગવામાં આવી હતી.
  • જેના વતી બાંધકામ શાખાના મદદનીશ એન્જિનિયર રિયાઝ મન્સૂરી લાંચના રુપિયા લેવા આવ્યા હતા.
  • એસીબી દ્વારા છટકું ગોઠવીને રંગેહાથ પકડવામાં આવ્યા બાદ ચારેય સામે લાંચનો ગુનો દાખલ કરવામાં આવ્યો હતો.

ગોધરાઃ પંચમહાલ જિલ્લાના શહેરા તાલુકા વિકાસ અધિકારી ઝરીના એમ. અન્સારી રૃા.૨ લાખની લાંચના કેસમાં ઝડપાતા સમગ્ર જિલ્લામાં ચર્ચાએ જોર પકડયું છે. મહિલા ટીડીઓ ઉપરાંત અન્ય ત્રણ કરાર આધારિત કર્મચારીઓની પણ એસીબીએ લાંચના કેસમાં અટકાયત કરી છે.

લાંચ રુશ્વત વિરોધી બ્યૂરોના જણાવ્યા મુજબ શહેરા તાલુકા પંચાયતમાં એક કોન્ટ્રાકટર દ્વારા સરકારના ટેન્ડર મુજબ મનરેગા યોજના હેઠળ મંજુર થયેલા વિકાસ કામો અંગેનું ટેન્ડર મંજુર થયું હતું.જે કોન્ટ્રાકટર દ્વારા સપ્લાય કરાયેલા રો મટીરીયલના મનરેગામાં 2.75 કરોડ અને આરઆરપી યોજનાના 1.71 કરોડના બિલના નાણાં ચેક મંજુર કરાયા હતા. જેના ચુકવણા મુદ્દે શહેરા તાલુકા પંચાયત કચેરીમાં ફરજ બજાવતાં હેમંત પ્રજાપતિ, કીર્તિપાલ સોલંકી અને રિયાઝ મન્સૂરીએ કોન્ટ્રાકટર પાસેથી કેટલીક રકમ લીધી હતી.જેનાબાદ પણ હેમંત પ્રજાપતિ અને કીર્તિપાલ સોલંકીએ કોન્ટ્રાકટર પાસે વધુ એક એક લાખની માંગણી કરી હતી.

આ ચેક આપવા માટે તાલુકા પંચાયત કચેરીની મનરેગા વિભાગના કરાર આધારિત હિસાબી સહાયક હેમંત મફતભાઇ પ્રજાપતિ અને કરાર આધારિત કીર્તિપાલ ઇન્દ્રસિંહ સોલંકી અને ટીડીઓ ઝરીના વસીમ અંસારીએ કોન્ટ્રાક્ટર પાસેથી અગાઉ લાંચ પેટે અલગ અલગ રકમ લઇ લીધી હતી. જો કે આ લાંચિયા અધિકારી અને કર્મચારીઓની માંગ વધતી ગઇ હતી અને હેમંત પ્રજાપતિ, કીર્તિપાલ સોલંકીએ કોન્ટ્રાક્ટર પાસે વધુ રુપિયા એક- એક લાખ તથા ટીડીઓ ઝરીના અંસારીએ કરાર આધારિત નોકરી કરતા અધિક મદદનિશ ઇજનેર રિયાઝ રફીક મન્સુરી મારફતે રુ. 2.45 લાખની ફરી માંગણી કરી હતી.

લાંચની આ રકમ તેઓ આપવા માંગતા ન હોવાથી એસીબીમાં ફરિયાદ કરી હતી જેના આધારે અમદાવાદ એસીબીના મદદનિશ નિયામક કે.બી. ચુડાસમાના માર્ગદર્શન હેઠળ પીઆઇ કે.કે. ડીંડોર અને સ્ટાફના માણસોએ આજે કોન્ટ્રાક્ટરની માર્કેટયાર્ડ ખાતે આવેલી જયશ્રી એન્ટરપ્રાઇઝ નામની ઓફિસમાં લાંચનું છટકું ગોઠવ્યું હતું. હેમંત પ્રજાપતિ અને કીર્તિપાલ સોલંકી તથા રિયાઝ અંસારી કોન્ટ્રાક્ટરની ઓફીસે લાંચની રકમ લેવા ગયા હતાં. હેમંત અને કીર્તિપાલે હેતુલક્ષી વાતચીત કરી રૃપિયા એક-એક લાખની લાંચ લીધી હતી જ્યારે રિયાઝ મન્સુરીને શક પડતા લાંચની રકમ રુ. 2.45 લાખ નહી સ્વીકારેલ. પરંતુ લાંચની માંગણી કરી હોવાથી લાંચના છટકા દરમિયાન ચારેયની અટકાયત કરવામાં આવી હતી. કુલ રુ 4.45 લાખની લાંચની રકમ પૈકી રુ. 2 લાખ એસીબીએ કબજે કર્યા હતાં.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here