ત્રણ વર્ષની બાળકીનો રેપ કરી હત્યા કરનારા નરાધમ વિજય ઠાકોરને આજીવન કેદ – santej rape and murder case gandhinagar court sentenced vijay thakor to life imprisonment

0


અમદાવાદ: ચકચારી સાંતેજ રેપ અને મર્ડર કેસમાં માત્ર બે જ અઠવાડિયામાં કોર્ટે પોતાનો ચુકાદો આપી દીધો છે. આ કેસમાં 04 નવેમ્બરના રોજ ત્રણ વર્ષની બાળકી પર વિજય ઠાકોર નામના આરોપીએ રેપ ગુજારી તેની હત્યા કરી હતી. કોર્ટે આ કેસને રેરેસ્ટ ઓફ ધ રેર ગણાવતા આરોપીને આ ગુનામાં જીવે ત્યાં સુધી જેલમાં રાખવાનો આદેશ કર્યો છે. પોલીસે આ કેસમાં 500 પાનાંની ચાર્જશીટ દાખલ કરી હતી. સરકારી વકીલના જણાવ્યા અનુસાર, રોજેરોજ કેસની સુનાવણી થતી હતી અને રોજના 18 જેટલા સાક્ષીને તપાસવામાં આવતા હતા.

સરકારી વકીલે કોર્ટના આદેશને આવકાર્યો છે, જોકે તેમણે આરોપીએ કરેલા જઘન્ય કૃત્યને ધ્યાનમાં રાખતા તેને ફાંસીની સજા અપાવવા માટે હાઈકોર્ટમાં અપીલ કરવામાં આવશે તેમ પણ જણાવ્યું હતું. એક કેસનો ચુકાદો આવી ગયા બાદ વિજય ઠાકોરે પાંચ વર્ષની એક બાળકીનો રેપ કર્યાના બીજા કેસની સુનાવણી શરુ થશે. પોલીસે આ કેસમાં 400 પાનાંની ચાર્જશીટ ફાઈલ કરી છે.

ગાંધીનગરના રાંચરડા અને સાંતેજ વિસ્તારમાં દિવાળીના તહેવાર દરમિયાન ત્રણ બાળકીઓ સાથે બળાત્કારની ઘટના બની હતી. આ કેસની તપાસ કરતા પોલીસે વિજય ઠાકોર નામના આરોપીની ધરપકડ કરી હતી. પોલીસની પૂછપરછમાં ભાંગી પડેલા વિજય ઠાકોરે પોતાનો ગુનો કબૂલી લીધો હતો. જેમાંથી ગાંધીનગર એલસીબીએ ત્રણ વર્ષની બાળકીના રેપ અને મર્ડરમાં વિજય ઠાકોરની ધરપકડના આઠ દિવસમાં ચાર્જશીટ ફાઈલ કરી હતી. આ કેસની સુનાવણી કોર્ટે 14 જ દિવસમાં પૂર્ણ કરીને 01 ડિસેમ્બરના રોજ પોતાનો ચુકાદો જાહેર કરી દીધો હતો. ઉલ્લેખનીય છે કે, માત્ર 14 દિવસમાં આવા ગંભીર ગુનાનો ચુકાદો આવ્યો હોય તેવી ગાંધીનગરની આ પહેલી ઘટના છે.

વિજય ઠાકોર પર કુલ ત્રણ બાળકીઓનો રેપ કરવાનો આરોપ છે. જેમાંથી રેપ અને મર્ડરના એક ગુનામાં તેને સજા પડી છે. હજુ બે ગુનાની કોર્ટમાં સુનાવણી બાકી છે. પોલીસે આ કેસમાં 60થી વધુ સાક્ષીઓના નિવેદન નોંધ્યા હતા. આ સિવાય સીસીટીવી, કોલ રેકોર્ડ જેવા ટેકનિકલ પુરાવાનો પણ તપાસમાં સમાવેશ કર્યો હતો. ત્રણ બાળકીના રેપ ઉપરાંત, વિજય ઠાકોર સામે લૂંટના ગુના પણ નોંધાયેલા છે. ઉલ્લેખનીય છે કે, પોલીસ તપાસમાં એવું પણ બહાર આવ્યું હતું કે, વિજય ઠાકોર પોતે સાત વર્ષની દીકરીનો બાપ છે. તેની પત્ની હાલ ગર્ભવતી છે. જેના કારણે તે તેની સાથે શારીરિક સંબંધ નહોતો બાંધી શકતો. પોતાની હવસ પૂરી કરવા માટે નરાધમ વિજય અવાવરું વિસ્તારોમાં ફરતો હતો અને બાળકીઓને નિશાન બનાવતો, જેથી તે પકડમાં ના આવે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here