vaccination in ahmedabad: વેક્સીનના બંને ડોઝ લેનારા અમદાવાદીઓ માટે ખાસ ઓફર, 60 હજારનો ફોન જીતી શકશે – amc offers to win smartphone to boost vaccination in city

0


હાઈલાઈટ્સ:

  • કેટલાક રાજ્યો રસીકરણને પ્રોત્સાહન આપવા માટે નાગરિકોને ખાસ ઓફર આપી રહી છે
  • અમદાવાદ મ્યુનિસિપલ કોર્પોરેશને પણ રસીનો બીજો ડોઝ લેનાર માટે ઓફર જાહેર કરી
  • 1 થી 7 ડિસેમ્બરમાં બીજો ડોઝ લેનાર નાગરિક લકી ડ્રોનો હિસ્સો બની શકશે અને કિંમતી ફોન જીતી શકશે

અમદાવાદઃ કોરોના મહામારી સામે દેશભરમાં ચાલી રહેલા રસીકરણ અભિયાનને પ્રોત્સાહન આપવા માટે અનેક રાજ્ય સરકારો સતત પ્રયત્નશીલ છે. એવામાં દક્ષિણ આફ્રિકામાં સામે આવેલો કોરોના વાયરસનો નવો વેરિયન્ટ ઓમિક્રોન દુનિયાભરના દેશોમાં ઝડપથી ફેલાઇ રહ્યો છે. આ વેરિયન્ટના ફેલાવાને રોકવા માટે મોટાભાગના દેશો આંતરરાષ્ટ્રીય યાત્રા પર પ્રતિબંધ લગાવી ચૂક્યા છે, ખાસ કરીને ઓમિક્રોનથી પ્રભાવિત દેશો પર આ પ્રતિબંધ મૂકવામાં આવ્યો છે. જોકે વાયરસના નવા વેરિયન્ટને લઇને ભારત સરકાર જરુરી પગલા ઉઠાવી રહી છે અને દેશવાસીઓને વહેલી તકે રસી લેવા માટે અપીલ કરી રહી છે.

આ મુદ્દે રાજ્ય સરકારો પણ નાગરિકોના રસીકરણ પર જોર આપી રહી છે. કેટલાક રાજ્યો રસી લેનારા નાગરિકોને ખાસ ઓફર આપી રહી છે, જે કડીમાં હવે ગુજરાતનું અમદાવાદ શહેર પણ સામેલ થયું છે. શહેરમાં રસીકરણને વેગ મળે એ માટે અમદાવાદ મ્યુનિસિપલ કોર્પોરેશનને રસીનો બીજો ડોઝ લેનારા માટે ખાસ ઓફર જાહેર કરી છે. જેમાં તેઓ 60 હજાર રુપિયાનો ફોન પણ જીતી શકે છે.

અમદાવાદીઓ ઝડપથી વેક્સીનનો બીજો ડોઝ લે એ માટે AMCએ એક લકી ડ્રોની ઓફર જાહેર કરી છે. જેમાં 1 ડિસેમ્બરથી 7 ડિસેમ્બર સુધી જે કોઈ નાગરિકોઓએ કોરોના વેક્સિનનો બીજો ડોઝ લીધો હશે તેવા તમામ નાગરિકો આ લકી ડ્રોમાં ભાગ લઈ શકશે. આ લકી ડ્રોમાં પસંદગી પામનાર એક વ્યક્તિ 60 હજારની કિંમતનો Iphone જીતી શકશે.

ગુજરાત સરકારના આંકડા મુજબ, અત્યાર સુધી રાજ્યભરમાં કોરોના રસીના 8 કરોડ 60 લાખથી ડોઝ આપવામાં આવ્યા છે. જેમાંથી 4.58 કરોડને પહેલો ડોઝ, જ્યારે 3.48 કરોડને બન્ને ડોઝ મળી ગયા છે. રાજ્યની 18 વર્ષ ઉપરની વસતી 4.93 કરોડ મુજબ, 93 ટકાને પહેલો ડોઝ અને 70 ટકાને બન્ને ડોઝ મળી ગયા છે. 21મી ઓક્ટોબરના આંકડા પ્રમાણે, 4.42 કરોડને પહેલો ડોઝ જ્યારે 2.35 કરોડને બીજો ડોઝ પણ અપાયો છે. એ વખતે કુલ રસીકરણનો આંક 6.76 કરોડ હતો જે વધીને હાલમાં 7.79 કરોડ થયો છે.

વર્તમાન પરિસ્થિત મુજબ, દેશમાં કોરોનાના નવા વેરિયન્ટ ઓમિક્રોનનો એક પણ કેસ સામે આવ્યો નથી. પરંતુ દક્ષિણ આફ્રિકામાં જોવા મળેલા આ વેરિયન્ટ ઝડપથી અન્ય દેશોમાં ફેલાઇ રહ્યો છે. જેને લઇને ચિંતા વ્યક્ત કરવામાં આવી રહી છે કારણ કે, આ વેરિયન્ટ વેક્સીનના બંને ડોઝ લઇ ચૂકેલા લોકોને પણ ઝપેટમાં લઇ શકે છે. દુનિયાભરના નિષ્ણાંતો અને વિશ્વ આરોગ્ય સંગઠન સહિતની અનેક સંસ્થાઓ ઓમિક્રોનને લઇને ગંભીર ચેતવણી આપી ચૂકી છે. એવામાં ભારત સહિત દુનિયાભરના દેશોની સરકારો નાગરિકોને આગળ આવીને કોરોના રસી લઇ લેવા માટે અપીલ કરી રહી છે. આ સંદર્ભે રાજ્ય સરકારો અને નગર નિગમ પણ રસીકરણને વેગ આપવા માટે રણનીતિ અપનાવી રહ્યા છે.

‘ઓમીક્રોન’ને લઇને WHOએ આપી ચેતવણી, કહ્યું-અત્યંત જોખમી છે નવો વેરિયન્ટ
કોરોનાના નવા વેરિયન્ટથી એક્શનમાં ઉદ્ધવ સરકાર, રસી નહીં લેનારને મહારાષ્ટ્રમાં ‘No Entry’ગુજરાત સરકારે કોરોનાના નવા વેરિયન્ટને ધ્યાનમાં રાખીને મહત્વનું પગલું ભર્યું



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here