wedding season diet: લગ્નપ્રસંગમાં જમતા પહેલા જાણી લો સેલેબ્રિટી ન્યૂટ્રિશનિસ્ટ ઋજુતા દિવેકરની આ ખાસ સલાહ – in wedding-season to-keep-digestion-smooth-rujuta-diwekar-shares-diet-tips

0


હાઈલાઈટ્સ:

  • બપોરે ભોજન કર્યા પછી હીંગવાળી છાશ પીવી જોઈએ.
  • સાંજે 4થી 6 દરમિયાન અથવા સવારે બ્રેકફાસ્ટમાં ભોજનરૂપે મેથીના લાડુ ખાવા જોઈએ.
  • જો તમે ડેસ્ટિનેશન વેડિંગમાં જઈ રહ્યા છો તો રાત્રે સૂતા પહેલા એક ચમચી ચ્યવનપ્રાશ ખાવું જોઈએ.

લગ્નપ્રસંગની સિઝન શરૂ થઈ ગઈ છે. કોરોના વાયરસની આ મહામારીમાં લગભગ 1 વર્ષ સુધી ઓછી વ્યક્તિની હાજરીમાં પ્રસંગોની ઉજવણી થયા પછી છેક હવે વધુ મહેમાનોની હાજરીમાં લગ્ન પ્રસંગો પાર પડી રહ્યા છે. ત્યારે લગ્નપ્રસંગમાં હાજરી આપો ત્યારે ત્યાં જમવામાં કઈ-કઈ બાબતોનું ધ્યાન રાખવું જોઈએ તે અંગે જાણીતા સેલેબ્રિટી ન્યૂટ્રિશનિસ્ટ ઋજુતા દિવેકર વિગતે જણાવી રહ્યા છે. તેમણે પોતાના સોશિયલ મીડિયા અકાઉન્ટ ઈન્સ્ટાગ્રામ પર પાચન સંબંધિત કેટલીક જાણકારી શેર કરી છે.


બપોરે લંચ કર્યા પછી છાશ પીવો

q2

પ્રતીકાત્મક તસવીર

બપોરે ભોજન કર્યા પછી હીંગવાળી છાશ પીવી જોઈએ. જો તમે સાંજના લગ્નપ્રસંગમાં હાજરી આપવાના છો ત્યારે પેટ સારું રાખવા માટે બપોરે છાશ પીવી જોઈએ.

મેથીના લાડુ ખાવા જોઈએ

q3

પ્રતીકાત્મક તસવીર

લગ્નપ્રસંગમાં પેટ ખરાબ થાય તે ખૂબ સામાન્ય વાત છે. ત્યારે સેલેબ્રિટી ન્યૂટ્રિશનિસ્ટ ઋજુતા દિવેકરે જણાવ્યું કે ગોળ, ઘી અને સૂંઠમાંથી બનાવાયેલા મેથીના લાડુ ખાવાથી પાચન સારું રહેશે. માટે સાંજે 4થી 6 દરમિયાન અથવા સવારે બ્રેકફાસ્ટમાં ભોજનરૂપે મેથીના લાડુ ખાવા જોઈએ. જો તમે કસરત નથી કરતા ત્યારે આ મેથીના લાડુ ખાવાથી સ્વસ્થ રહેવામાં મદદ મળશે.

સૂતા પહેલા એક ચમચી ચ્યવનપ્રાશનું સેવન કરો

ચ્યવનપ્રાશ ખાવાથી શરીરની ઈમ્યુન સિસ્ટમ મજબૂત રહે છે. ન્યૂટ્રિશનિસ્ટના જણાવ્યા મુજબ, જો લગ્નપ્રસંગ દરમિયાન ચ્યવનપ્રાશ ખાવામાં આવે તો શરીરની સ્કિન પણ મુલાયમ રહે છે. જો તમે ડેસ્ટિનેશન વેડિંગમાં જઈ રહ્યા છો તો રાત્રે સૂતા પહેલા એક ચમચી ચ્યવનપ્રાશ ખાવું જોઈએ. જેથી તમારું પાચન ઠીક રહેશે. લગ્નપ્રસંગની સિઝનમાં વધારે ખાવાથી પેટ ખરાબ થવું તે એક સામાન્ય બાબત છે. અગાઉ ઋજુતા દિવેકરે એવું પણ જણાવ્યું હતું કે વર્ષના 365 દિવસોમાંથી તમે 300 દિવસ રોટલી, શાક, દાળ, ભાત ખાઓ છો અને 60 દિવસ તમે તહેવાર-પ્રસંગમાં તળેલું ખાઓ છો તો તમારા શરીર-હાર્ટને કોઈ નુકસાન નહીં થાય.


ઋજુતા દિવેકર જણાવે છે કે હાર્ટ સ્વસ્થ રહે તે માટે અઠવાડિયામાં ઓછામાં ઓછી 3 કલાક કસરત કરવી જોઈએ. જેમાં યોગ, ચાલવું, સાઈકલ ચલાવવી અને જીમ વગેરે સામેલ કરી શકો છો. રાત્રે 9.30થી 10.30ની વચ્ચે સૂઈ જવું અને સવારે 5થી 7ની વચ્ચે ઉઠવાની આદતથી તણાવમુક્ત રહેશો અને કોલેસ્ટ્રોલની પણ કોઈ ચિંતા રહેશે નહીં. Disclaimer: આ આર્ટિકલમાં આપવામાં આવેલી માહિતીનો અમલ કરતા પહેલા આપના ડૉક્ટરની સલાહ ચોક્કસ લેશો.





Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here