MS Dhoni: IPL-2022: ચેન્નઈએ ધોની કરતા રવિન્દ્ર જાડેજા પાછળ વધુ રૂપિયા ખર્ચ્યા – ipl 2021 player retention chennai super kings spend more on ravindra jadeja than ms dhoni

0


હાઈલાઈટ્સ:

  • ચેન્નઈ સુપર કિંગ્સે રવિન્દ્ર જાડેજા, મહેન્દ્ર સિંહ ધોની, મોઈન અલી અને ઋતુરાજ ગાયકવાડને રિટેન કર્યા
  • ચેન્નઈએ પ્રથમ ખેલાડી તરીકે રવિન્દ્ર જાડેજા અને બીજા ખેલાડી તરીકે ધોનીને રિટેન કર્યો છે
  • સુરેશ રૈના, ડ્વેઈન બ્રાવો અને ફાફ ડુપ્લેસિસ રિટેન થવામાં નિષ્ફળ રહ્યા

ઈન્ડિયન પ્રીમિયર લીગ ટી20 ક્રિકેટ ટુર્નામેન્ટની આગામી સિઝન માટે ફ્રેન્ચાઈઝીઓએ તેમના રિટેન કરેલા ખેલાડીઓના નામ જાહેર કરી દીધા છે. આ નામ જાહેર કરવાની મંગળવારની ડેડલાઈન હતી. જેમાં ચેન્નઈ સુપર કિંગ્સ ટીમે અપેક્ષા પ્રમાણે ચાર ખેલાડીઓની પસંદગી કરી છે.

આઈપીએલમાં પાંચ વખતની ચેમ્પિયન ચેન્નઈ સુપર કિંગ્સ ટીમે સુકાની મહેન્દ્ર સિંહ ધોનીને રિટેન કર્યો છે. આ ઉપરાંત સ્ટાર ઓલ-રાઉન્ડર રવિન્દ્ર જાડેજા, યુવાન બેટ્સમેન ઋતુરાજ ગાયકવાડ અને ઈંગ્લેન્ડના મોઈન અલીને રિટેન કર્યા છે.

IPL-2022: ધોની, કોહલી, રોહિત અને બુમરાહને કરવામાં આવ્યા રિટેન
જોકે, ચેન્નઈએ જાડેજાને પ્રથમ ખેલાડી તરીકે રિટેન કર્યો છે. રિટેન્શન પોલિસી પ્રમાણે પ્રથમ ખેલાડીને સૌથી વધારે રૂપિયા મળશે. જ્યારે બીજા ખેલાડી તરીકે ધોનીને રિટેન કર્યો છે. જાડેજાને રિટેન કરવા માટે ચેન્નઈએ 16 કરોડ રૂપિયા ખર્ચ્યા છે. જ્યારે મહેન્દ્ર સિંહ ધોનીને 12 કરોડ રૂપિયામાં રિટેન કર્યો છે. મોઈન અલીને 8 કરોડ અને ઋતુરાજ ગાયકવાડને 6 કરોડ રૂપિયામાં રિટેન કર્યો છે.

અગાઉ ચેન્નઈ ટીમના માલિક એન શ્રીનિવાસને કહ્યું હતું કે, ધોનીએ ટીમ મેનેજમેન્ટને પોતાને રિટેન ન કરવાનું કહ્યું છે. તેમના આ નિવેદન બાદ વિવિધ અટકળો ચાલી હતી. અંતે ચેન્નઈએ ધોનીને રિટેન કર્યો છે. ધોની પોતે જ ઈચ્છતો હતો કે ચેન્નઈ પોતાના બદલે કોઈ યુવાન ખેલાડી પાછળ વધુ રૂપિયા ખર્ચ કરે.
ભારત-ન્યૂઝીલેન્ડ વચ્ચેની ડ્રો ટેસ્ટ માટે પાકિસ્તાનના ભૂતપૂર્વ દિગ્ગજે કહી મોટી વાતજોકે, બીજી મોટી વાત એ છે કે ચેન્નઈએ સ્ટાર બેટર ફાફ ડુ પ્લેસિસના બદલે મોઈન અલી પર પસદંગી ઉતારી છે. ટીમે મોઈનને શા માટે રિટેન કર્યો છે તે હજી સુધી સ્પષ્ટ થયું નથી. શું મોઈન અલીને ઓલ-રાઉન્ડ સ્કિલના કારણે રિટેન કરાયો છે કે પછી ફાફ ડુ પ્લેસિસ વધુ કિંમત ઈચ્છતો હતો તે હજી સ્પષ્ટ નથી.

જ્યારે ઋતુરાજ ગાયકવાડે સૌથી વધુ રન નોંધાવવા બદલ આઈપીએલ 2021માં ઓેરેન્જ કેપ મેળવી હતી. ટીમમાં તેને રિટેન કરવામાં આવશે તે અંગે કોઈ જ શંકા ન હતી અને તે ટીમમાં સ્થાન જાળવી રાખવામાં સફળ રહ્યો છે. માનવામાં આવી રહ્યું છે કે ચેન્નઈની ટીમ ગાયકવાડને ભવિષ્યમાં સુકાની પણ બનાવી શકે છે.

બીજી તરફ ટીમમાં સ્ટાર ખેલાડીઓની ગેરહાજરી જોવા મળશે. આ ખેલાડીઓમાં સ્ટાર બેટર સુરેશ રૈના સામેલ છે જે ધોની બાદ ચેન્નઈનો બીજો સૌથી મહત્વનો ખેલાડી રહ્યો છે. ચેન્નઈની સફળતામાં રૈનાનું યોગદાન પણ ઘણું મહત્વનું રહ્યું છે. આ ઉપરાંત વેસ્ટ ઈન્ડિઝનો ઓલ-રાઉન્ડર ડ્વેઈન બ્રાવો અને દીપક ચહર પણ રિટેન ખેલાડીઓની યાદીમાં સામેલ થઈ શક્યા નથી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here