lose rs 1.5 lakh in covid loan fraud: ખાનગી બેંકના પૂર્વ કર્મીએ કોવિડ લોનના બહાને 7 લોકોને 1.5 લાખનો ચૂનો ચોપડ્યો – seven lose rs 1.5 lakh on pretext of covid loan in ahmebad

0


હાઈલાઈટ્સ:

  • આરોપી પહેલાં એક ખાનગી બેંકમાં કર્મચારી હતો, પછી નોકરી છોડી દીધી
  • તેણે સંપર્કમાં આવેલા લોકોને એવું કહ્યું કે, તે કોવિડ લોન માટે લોકોની મદદ કરી રહ્યો છે
  • વિશ્વાસમાં આવીને સાત લોકોને આરોપીએ દોઢ લાખનો ચૂનો ચોપડ્યો હતો

અમદાવાદઃ રાજ્યમાં છેતરપિંડીના કેસમાં સતત વધારો થઈ રહ્યો છે. ખાસ કરીને લોન આપવાના બહાને છેતરપિંડીના કેસ વધી રહ્યા છે. ત્યારે આવો જ એક કિસ્સો નવરંગપુરા પોલીસ સ્ટેશન નોંધાયો છે. એવો આરોપ છે કે, એક ખાનગી બેંકના પૂર્વ કર્મચારીએ કોવિડ સહાય લોન આપવાની લાલચમાં સાત લોકો સાથે રૂપિયા 1.5 લાખની છેતરપિંડી આચરી હતી. આ મામલે ભોગ બનાનારાએ નવરંગપુરા પોલીસ સ્ટેશનમાં ફરિયાદ નોંધાવતા પોલીસે ગુનો નોંધીને આગળની કાર્યવાહી હાથ ધરી છે.

નવરંગપુરા પોલીસ સ્ટેશનમાં શનિવારે થયેલી ફરિયાદ મુજબ, ચાણક્યપુરી વિસ્તારમાં રહેતા ભોગ બનનાર 47 વર્ષીય ધર્મેશ શર્માએ પોતાની અને અન્ય છ લોકો સાથે છેતરપિંડીની ફરિયાદ નોંધાવી છે. ધર્મેશ શર્માનો આરોપ છે કે, નિકોલમાં રહેતો રમાકાંત સાહુ કે જે સીજી રોડ વિસ્તારમાં ફાઈનાન્સિયલ કન્સલટન્સીની ઓફિસ ચલાવે છે. જ્યારે ધર્મેશ શર્મા ઘડિયાળની દુકાન ચલાવે છે. ધર્મેશ શર્માના જણાવ્યા મુજબ, આરોપી રમાકાંત સાહુ પહેલાં એક ખાનગી બેંકના કર્મચારી હતા ત્યારે તેની સાથે મુલાકાત થઈ હતી. ગયા મે મહિનામાં તેણે ક્રેડિટ કાર્ડ અપાવ્યુ હતુ.

ત્રણ વર્ષની બાળકીનો રેપ કરી હત્યા કરનારા નરાધમ વિજય ઠાકોરને આજીવન કેદ

એ પછી જૂન મહિનામાં આરોપી રમાકાંતે સાહુએ ધર્મેશ શર્માનો સંપર્ક કર્યો હતો અને કહ્યું કે, તેણે બેંકની નોકરી છોડી દીધી છે. તેણે ફરિયાદીને એવું આશ્વાસન આપ્યું કે હાલ તે એવા લોકોને મદદ કરી રહ્યો છે કે જેઓ કોવિડ-19 મહામારીમાં નાણાકીય કટોકટીના ભોગ બન્યા હોય. તેઓને કોવિડ 19ની સહાય લોન અપાવવાની મદદ કરી રહ્યો છે. તેણે કહ્યું કે, સરકાર વાજપેયી બેંકેબલ સ્કીમ હેઠળ સબસીડીવાળી લોન આપી રહી છે અને તે મને લોન અપાવવા માટે મદદ કરી શકે છે.

આ સિવાય રમાકાંત સાહુએ ચાણક્યપુરીમાં રહેતા અશ્વિન મિસ્ત્રી, ચાંદલોડિયાના આસારામ વર્મા, ઘાટલોડિયાના ચંદ્રિકા નિશાદ, સરસપુરના નીતિન રાઠોડ અને ઝાકીર કુરેશી, શાહપુરના મુરતુઝા અહેમદ શેખનો પણ સંપર્ક કર્યો હતો. આરોપી રમાકાંત સાહુએ તમામને એવું કહ્યું હતું કે, લોન મેળવવા માટે તેઓએ પ્રોસેસિંગ ફી ચૂકવવાની રહેશે. ત્યારબાદ તમામ સાથે છેતરપિંડી આચરી હતી.
જામનગરના 2 મિત્રો યૂપી ફરવા ગયા, સ્થાનિક શખ્સે અપહરણ કરી ખંડણી માંગી
આરોપી રમાકાંત સાહુએ 25મી જુલાઈએ તેમની સાથે વાતચીત કરતા પહેલાં રૂપિયા 1.5 લાખની છેતરપિંડી આચરી હતી. એ પછી પોતે છેતરાયા હોવાની જાણ થતા ફરિયાદીએ નવરંગપુરા પોલીસનો સંપર્ક કર્યો હતો. ફરિયાદીએ આરોપી રમાકાંત સાહુ વિરૂદ્ધ છેતરપિંડી અને વિશ્વાસભંગની ફરિયાદ નોંધાવી હતી. આ મામલે પોલીસે ગુનો નોંધીને આગળની કાર્યવાહી હાથ ધરી છે.

બોપલમાં વેચાતા આ ‘ઓરિયો ભજીયા’નો ટેસ્ટ તમે કર્યો કે નહીં?



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here