vi and airtel: Vi અને Airtel નવી રણનીતિ! પોર્ટેબિલિટીમાં આ રીતે અડચણ ઉભી કરી – telecom companies vi and airtel strategy to stop users portability process

0


હાઈલાઈટ્સ:

  • નંબર પોર્ટ કરી અન્ય ટેલીકોમ કંપની સાથે જોડાવા ગ્રાહકે SMS કરી Portability Request જનરેટ કરાવી પડે છે
  • Airtel અને Viએ સસ્તા પ્લાનમાં SMS સુવિધા આપી જ નથી, ગ્રાહકોને સર્વિસ સાથે જોડાય રહેલા મજબૂર કરવાની રણનીતિ
  • નિષ્ણાંતો મુજબ, પોર્ટેબલ કરાવવા ઇચ્છતા ગ્રાહકોએ જૂના પ્લાન પૂરા થાય એ પહેલા પોર્ટ રિક્વેસ્ટ જનરેટ કરાવી દેવી જોઇએ

નવી દિલ્હીઃ ટેલિકોમ કંપની Vodafone Idea (Vi)અને Airtelએ હાલમાં જ રજૂ કરેલા ટેરિફ પ્લાનને લઇને મોટો વિવાદ ઉભો થઇ ગયો છે. કંપનીએ એના ટેરિફ પ્લાનમાં કેટલાક ફેરફાર કરી રજૂ કર્યા છે જે મોંઘા તો છે જ પરંતુ એની સાથે ગ્રાહકોને નંબર પોર્ટેબલ કરી બીજી કંપની સાથે જોડાવામાં અડચણ ઉભી કરે છે. પોતાનો જૂનો નંબર પોર્ટેબલ કરાવી અન્ય ટેલીકોમ કંપનીઓ સાથે જોડાવા ઇચ્છતા ગ્રાહતોએ મોબાઇલ નંબર પરથી SMS મોકલીને નંબર પોર્ટેબિલિટી રિક્વેસ્ટ જનરેટ કરવાની રહે છે. પોર્ટેબિલિટી રિક્વેસ્ટ જનરેટ કર્યા સિવાય કોઇપણ ગ્રાહક પોતાનો મોબાઇલ નંબર પોર્ટેબલ કરાવી શકતો નથી.

એરટેલ અને Vodafone Ideaના કેટલાક નવા ટેરિફ પ્લાનમાં આઉટગોઇંગ SMSની સર્વિસ બંધ કરી છે. આ સુવિધા ના હોવાને લીધે વોડાફોન-આઇડિયા અને એરટેલના આ પ્લાન લેનારા ગ્રાહકો, જેઓ નંબર પોર્ટ કરાવવાની ઇચ્છા રાખતા હોય એવા ગ્રાહકો SMS મોકલી પોર્ટેબિલિટી રિક્વેસ્ટ જનરેટ કરી શકતા નથી.

આઉટગોઇંગ SMS મોકલી ના શકવાને લીધે બંને ટેલીકોમ કંપનીઓના ગ્રાહકો પાસે બે વિકલ્પ રહી જાય છે, જેમાં ગ્રાહકો એ એવા મોંઘા ટેરિફ પ્લાન ખરીદવા પડશે જેમાં આઉટગોઇંગ SMS સર્વિસ હોય એટલે કે કંપનીને રિચાર્જ પર વર્તમાન પ્લાનની સરખામણીએ વધારે પૈસા મળે અથવા નંબર પોર્ટ કરવાની પોતાની ઇચ્છા કે વિચાર છોડીને મજબૂરી સાથે વર્તમાન કંપની સાથે જોડાય રહે.

વોડાફોન-આઇડિયાની વાત કરીએ તો કંપનીના 179 રુપિયાવાળા પ્લાનમાં SMS સર્વિસ છે, એવામાં ગ્રાહકે નંબર પોર્ટ કરાવવો છે તો એણે ઓછામાં ઓછા 179 રુપિયાનું રિચાર્જ કરાવવાનું રહેશે. ગ્રાહકોના અધિકારો માટે લડનારી સંસ્થા ટેલીકોમ-વોચગોડે આ પ્લાનને ટેલીકોમ કંપનીઓનો પેંતરો અને ગ્રાહકો સાથે અન્યાય ગણાવ્યો છે. કારણ કે No Outgoing SMS વાળા પ્લાન્સની કિંમત ઓછી રાખવામાં આવી છે જેને ભારતમાં સામાન્ય વર્ગના લોકો ઉપયોગ કરે છે. આવા ગ્રાહકોએ જો નંબર પોર્ટ કરાવવો છે તો તેમણે ઓછામાં ઓછો 179 રુપિયાનો પ્લાન ખરીદવો પડશે.

આ મુદ્દે ટેલીકોમ વોચડોગના સેક્રેટરી વિક્રમ મિત્તલનું કહેવુ છે કે, બંને કંપનીઓએ એસએમએસ સર્વિસને ચાલાકી સાથે 179 રુપિયાના પ્લાનમાં શિફ્ટ કરી દીધી છે. તેમનું કહેવુ છે કે આઘાતજનક છે કંપનીઓની આવી રણનીતિ પર કોઇનું ધ્યાન નથી ગયું અને TRAIએ પણ ગ્રાહકોના હિતમાં કોઈ કાર્યવાહ કરી નથી. તેમનું કહેવુ છે કે SMS સર્વિસ ઓછી કિંમતવાળા પ્લાન્સમાં પણ મળવી જોઇએ અને આ માટે TRAIએ યોગ્ય પગલા લેવા જોઇએ.

TRAIના આંકડા દર્શાવે છે કે, સપ્ટેમ્બર 2021માં 1 કરોડથી વધુ ટેલીકોમ ગ્રાહકોએ નંબર પોર્ટેબિલિટી માટે રિક્વેસ્ટ કરી હતી. એવામાં વોડાફોન-આઈડિયા અને એરટેલ જેવી કંપનીઓના આવા પ્લાન લાખો ગ્રાહકોને પ્રભાવિત કરી શકે છે.

નિષ્ણાંતો મુજબ Reliance Jio સતત એરટેલ અને Viના લો ઇન્કમવાળા 2G ગ્રાહકોને પોતાના 4G નેટવર્ક પર ખેંચવાના પ્રયત્ન કરી રહી છે. પરંતુ કંપનીઓએ આવા ગ્રાહકોને રોકી રાખવા માટે નો આઉટગોઇંગ એસએમએસ ટેરિફ પ્લાન લાવીને ગ્રાહકોને રોકવાનો પ્રયત્ન કર્યો છે. તેમનુ કહેવુ છે કે, જો ગ્રાહકો નંબર પોર્ટ કરાવવા ઇચ્છી જ રહ્યા છે તો, પોતાના જૂના પ્લાનની વેલિડિટી પૂરી થાય એ પહેલા પોર્ટ રિક્વેસ્ટ જનરેટ કરાવી દેવી જોઇએ.

એરટેલે મોંઘુ કરી દીધુ પ્રિપેઈડ રિચાર્જ, જાણો હવે કેટલાનો થયો કયો પ્લાન
એરટેલ બાદ વોડાફોન આઈડિયાએ પણ મોંઘું કર્યું મોબાઈલ રિચાર્જInstagram Postમાં વાગશે તમારૂ મનપસંદ સોંગ, આ રીતે કરો સેટ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here