two friend from jamnagar kidnapped in up: જામનગરના 2 મિત્રો યૂપી ફરવા ગયા, સ્થાનિક શખ્સે અપહરણ કરી ખંડણી માંગી – two friends from jamnagar went to up, kidnapped by a local man and demanded ransom

0


| I am Gujarat | Updated: Dec 1, 2021, 4:20 PM

જામનગરમાં રહેતા બે મિત્રો ઉત્તર પ્રદેશના કાનપુરના ગ્રામ્ય વિસ્તારમાં ફરવા માટે ગયા હતા. ત્યારે કોઈ અજાણ્યા શખ્સે બંને મિત્રોનું અપહરણ કરી લીધુ હતુ. તેઓેને ગોંધી રાખીને ખંડણીની માંગણી કરવામાં આવી હતી

 

હાઈલાઈટ્સ:

  • જામનગરના બે મિત્રો ઉત્તર પ્રદેશના કાનપુરના ગ્રામ્ય વિસ્તારમાં ફરવા ગયા હતા
  • ત્યારે કોઈ અજાણ્યા શખ્સે બંનેનું અપહરણ કરી ગોંધી રાખી ખંડણીની માંગણી કરી
  • અપહ્યતની પત્નીએ આની જાણ જામનગર પોલીસને કરતા સફળ ઓપરેશન પાર પડાયુ

જામનગરઃ બે મિત્રો ઉત્તર પ્રદેશ ફરવા ગયા હતા. એ સમયે કોઈ સ્થાનિક શખ્સે બંને મિત્રોનુ અપહરણ કરી લીધુ હતું અને ખંડણી માંગવામાં આવી હતી. જે બાદ આ કિસ્સો જામનગર પોલીસ પાસે પહોંચ્યો હતો. એ પછી પીલીસની ટીમે ઉચ્ચ અધિકારીઓનું માર્ગદર્શન માગ્યુ હતુ. ત્યારબાદ પોલીસની એક ટુકડી ઉત્તર પ્રદેશના કાનપુર પહોંચી હતી. પોલીસે સ્થાનિક પોલીસની મદદથી આરોપીને દબોચી લીધો હતો અને બંને મિત્રોને આરોપીના કબજામાંથી છોડાવ્યા હતા. બંને મિત્રોને જામનગર લાવવા માટે પોલીસે કાર્યવાહી હાથ ધરી હતી.

ઘટનાની વિગત એવી છે કે, જામનગરના બે મિત્રો ગઈ 28 તારીખે ઉત્તર પ્રદેશના કાનપુરના ગ્રામ્ય વિસ્તારમાં ફરવા માટે ગયા હતા. જ્યાં બંને મિત્રોનું એક અજાણ્યા શખ્સ દ્વારા અપહરણ કરી લેવામાં આવ્યું હતું. આરોપી શખ્સે બંને મિત્રોને ગોંધી રાખીને ખંડણીની માંગણી કરી હતી. આ વાતની જાણ અપહ્યત યુવાનની પત્નીને થઈ હતી. બાદમાં અપહ્યત યુવાનની પત્નીએ આ વાતની જાણ જામનગર પોલીસને કરી હતી. જામનગરના સીટી બી ડિવિઝન પોલીસ મથકમાં આખો મામલો પહોંચ્યા બાદ જામનગર સાઈબર ક્રાઈમ સેલની ટીમ એક્વિટ થઈ હતી.
વાંધાજનક પોસ્ટ કરવા બાબતે સુરતના પીએસઆઈ સામે ગુનો નોંધાયો
સાઈબર ક્રાઈમ સેલની ટીમે તાત્કાલિક લોકેશન મેળવ્યુ અને જામનગર સીટી બી ડિવિઝન પોલીસની એક ટુકડી તાત્કાલિક ઉત્તર પ્રદેશના કાનપુર જવા માટે રવાના થઈ હતી. અહીં પહોંચ્યા બાદ ટીમે સ્થાનિક પોલીસની મદદથી આરોપી શખ્સને ઝડપી પાડ્યો અને બંને મિત્રોને તેના ચુંગાલમાંથી છોડાવ્યા હતા. બાદમાં પોલીસે બંને યુવાન મિત્રોને જામનગર લાવવા માટે કાર્યવાહી હાથ ધરી હતી.
ટિકિટ વિના મુસાફરી કરતાં મુસાફરો પાસેથી રેલવેના બે કર્મચારીએ લીધી લાંચ, રંગેહાથ ઝડપાયા
અપહરણ થયેલા એક યુવાનની પત્નીએ કરેલી ફરિયાદ મુજબ, તેના પતિ અને મિત્ર યૂપી ફરવા ગયા ત્યારે કોઈ શખ્સે અપહણ કર્યુ હતુ. તેઓને ગોંધી રાખીને જાનથી મારી નાખવાની ધમકી આપીને ખંડણી માગી હતી. ત્યારે જામનગર સીટી બી ડિવિઝન પોલીસ અને સાઈબર સેલ દ્વારા એક ગુપ્ત ઓપરેશન પાર પાડવામાં આવ્યું હતું. આરોપીને ખબર ન પડે એ રીતે આખુ ઓપરેશન સફળ રીતે પાર પાડવામાં આવ્યું હતું. હવે પોલીસની આ ટીમ જામનગર પહોંચ્યા બાદ વધુ વિગતો જાહેર કરશે.

અમદાવાદ: કોરોનાકાળમાં ફરજ બજાવનારા હંગામી કર્મચારીઓને છૂટા કરાતા હોબાળો

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : two friends from jamnagar went to up, kidnapped by a local man and demanded ransom
Gujarati News from I Am Gujarat, TIL Network



Source link

What’s your Reaction?
+1
1
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here