heavy rainfall forecast: ગુજરાતમાં અમદાવાદ સહિત ઠેરઠેર માવઠું, બે દિવસ અતિભારે વરસાદની આગાહી – gujarat received unseasonal rain, heavy rainfall prediction

0


હાઈલાઈટ્સ:

  • ગુજરાતમાં ગઈકાલ રાતથી આજે સવાર સુધીમાં ઠેર-ઠેર વરસાદ નોંધાયો
  • સૌરાષ્ટ્ર અને દક્ષિણ ગુજરાતના ખેડૂતો માવઠાને લઈને ચિંતિત થયા છે
  • હવામાન વિભાગે ખેડૂતોને પોતાના પાકને નુકસાનથી બચાવવા સૂચનો કર્યા

અમદાવાદઃ હવામાન વિભાગે કરેલી આગાહી પ્રમાણે રાજ્યમાં ઠેર-ઠેર વરસાદ નોંધાયો છે. જેમાં અમદાવાદ, ગાંધીનગર સહિત સુરત, વલસાડ સહિત દક્ષિણ ગુજરાતમાં કમોસમી વરસાદી માહોલ જામ્યો છે. આવામા સૌરાષ્ટ્રના અમરેલીના રાજુલા, જાફરાબાદ, પીપાવાવ કોસ્ટલ બેલ્ટમાં પણ મોડી રાત્રે વરસાદ નોંધાયો છે.

અમદાવાદ અને ગાંધીનગરમાં પણ વહેલી સવારે 6 વાગ્યાની આસપાસ વરસાદી ઝાપટું પડ્યું હતું. આ તરફ નર્મદામાં પણ કમોસમી વરસાદ થતા ખેડૂતો ચિંતામાં મૂકાયા છે. મહિસાગરના લુણાવાડા, સંતરામપુર, ખાનપુર, વીરપુર, બાલાસિનોરમાં વરસાદ જામ્યો છે.

અમદાવાદમાં મચ્છરજન્ય રોગનો કહેેર, ડેન્ગ્યુ અને મલેરિયાના કેસમાં થયો વધારો

રાજ્યના હવામાન વિભાગ દ્વારા રાજ્યમાં ઠેર-ઠેર આજે તથા આવતીકાલે એમ બે દિવસ લો પ્રેશર અને વેસ્ટર્ન ડિસ્ટર્બન્સની અસરના લીધે વરસાદી માહોલ જામ્યો છે. વરસાદના પગલે રાજ્યના કલેક્ટરોને એલર્ટ કરવામાં આવ્યા છે. જ્યારે હવામાન વિભાગ દ્વારા ખેડૂતોને સચેત રહેવા માટે સૂચન કરવામાં આવ્યું છે. આ સાથે ખેડૂતોને પાકને નુકસાન ના થાય તે માટે તકેદારીના શું પગલા ભરવા તે અંગે પણ માહિતી આપવામાં આવી છે.

પાકને સુરક્ષિત સ્થળ પર રાખવા, દવાનો છંટકાવ ના કરવા તથા ક્યારામાં પાણી ભરાઈ ના રહે તે માટે તકેદારીના પગલા ભરવા જણાવ્યું છે. લો પ્રેશરના કારણે માછીમારોને દરિયો ના ખેડવા માટે જણાવવામાં આવ્યું છે. હવામાન વિભાગના જણાવ્યા પ્રમાણે રાજ્યના સૌરાષ્ટ્ર, દક્ષિણ ગુજરાત અને ઉત્તર ગુજરાત ભારેથી અતિભારે કમોસમી વરસાદ વરસી શકે છે. આ સિવાય અમદાવાદ અને આસપાસના વિસ્તારોમાં મધ્યમથી હળવો વરસાદ થવાની આગાહી કરવામાં આવી છે.

વાંધાજનક પોસ્ટ કરવા બાબતે સુરતના પીએસઆઈ સામે ગુનો નોંધાયો
સ્થાનિક હવામાન વિભાગના ડિરેક્ટર મનોરમા મોહંતીએ ખેડૂતોને જાગૃત રહેવા માટે જણાવ્યું છે કે જેથી તેમના પાકને નુકસાન ના થાય. પાક ખુલ્લામાં પડ્યો હોય તો તેને સુરક્ષિત સ્થળ પર લઈ જવાની પણ સૂચના આપવામાં આવી છે. આજના દિવસે રાજ્યના સુરત, નવસારી, તાપી, ડાંગ, વલસાડ, ભરુચ, નર્મદા, આણંદ, વડોદરા, અમરેલી, ભાવનગર, સાબરકાંઠા અને અરવલ્લીમાં ભારે વરસાદ થવાની આગાહી વ્યક્ત કરવામાં આવી છે. જ્યારે 2 ડિસેમ્બરના રોજ રાજ્યના સાબરકાંઠા, અરવલ્લી, મહિસાગર, દાહોદ અને છોટા ઉદેપુરમાં ભારેથી અતિભારે કમોસમી વરસાદ થઈ શકે છે.

આ સિવાય રાજ્યના અમદાવાદ સહિત મધ્યભાગમાં હળવો વરસાદ રહેવાની આગાહી છે. સવારથી અમદાવાદમાં વાદળછાયું વાતાવરણ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here