expensive smartwatch: આ છે દુનિયાની સૌથી મોંઘી સ્માર્ટ વોચ, કિંમત એટલી કે લગ્ઝરી SUV ખરીદી શકાય – most expensive smartwatches in the world with premium features

0


હાઈલાઈટ્સ:

  • સૌથી મોંઘી સ્માર્ટવોચની યાદીમાં સુપર લગ્ઝરી કસ્ટમ ડિઝાઇન Apple વોચ છે
  • Brikk Lux Watch Omniની કિંમત ભારતીય કરન્સીમાં આશરે 81,82,121 રુપિયા છે
  • વિશ્વની મોટા ભાગની ટેકનોલોજી કંપનીઓ પોતાની સ્માર્ટવોચ લાવી ચૂકી છે

નવી દિલ્હીઃ આજના હાઇટેક જમાનામાં સ્માર્ટફોનની સાથે સાથે સ્માર્ટવોચનો પણ ક્રેઝ વધી રહ્યો છે. સામાન્ય ઘડિયાળની જગ્યા લઇ ચૂકેલી સ્માર્ટવોચ માત્ર સમય જોવા જ કામ નથી લાગતી, પરંતુ એની મદદથી અનેક સ્માર્ટ કામ કરી શકાય છે. એના ખાસ ફીચર્સમાં હેલ્થ મોનિટરિંગ સામેલ છે જે ફિટનેસ પ્રેમીઓને આકર્ષિત કરે છે. સ્માર્ટવોચ સ્ક્રિન પર કોલ અને મેસેજ અપડેટ સાથે અન્ય કામ પણ કરી શકાય છે. એવામાં દુનિયાભરની ટેકનોલોજી કંપની સ્માર્ટવોચને માર્કેટમાં લાવી ચૂકી છે. જેમાં કેટલીક એવી સ્માર્ટવોચ સામેલ છે જેની કિંમત લાખો રુપિયામાં છે.

TAG Heuer Carrera Connected
ફીચર્સ અને સ્પેસિફિકેશનની વાત કરીએ તો TAG Heuer Carrera Connectedમાં 1.39 ઇંચની OLED ડિસ્પ્લે 454×454 પિક્સલ રિઝોલ્યુશન સાથે આપેલી છે. આ સ્માર્ટવોચની ડિઝાઇન ટાઇટેનિયમ બિલ્ડ અને સ્ક્રેચ રેસિસ્ટેન્ટ સેફાયર ગ્લાસ શેલ્ટર સાથે તૈયાર કરવામાં આવી છે. એનું પ્રોસેસર 1.6 1.6 GHz Intel છે. જ્યારે 410 mAhની બેટરી છે જે 25 કલાક સુધી ચાલે છે. આ સિવાય એમાં બિલ્ટ ઇન વોઇસ કમાંડ, માઇક્રોફોન, ગૂગલ ટ્રાન્સલેટ, ગૂગલ મેપ્સ, ગૂગલ ફિટ અને પ્લે સ્ટોર દ્વારા અનેક એપ્સ એક્સેસ કરી શકાય છે. સ્વિસ વોચ મેકર TAG Heuerએ આ સ્માર્ટવોચ Google અને Intel સાથે મળીને તૈયાર કરી છે. જે એક એન્ડ્રોઇડ લગ્ઝરી સ્માર્ટવોચ છે. આ સ્માર્ટવોચની કિંમત 1,500 ડોલર એટલે કે 1,11,529 રુપિયા છે.

Kairos Hybrid Watch
આ સ્માર્ટવોચમાં 44mmની OLED ડિસ્પ્લે આપવામાં આવી છે. ડિઝાઇનની વાત કરીએ તો આ સ્માર્ટવોચમાં ઓટોમેટિક મૂવમેન્ટ, સ્ટેઇનલેસ સ્ટીલ અને ક્રિસ્ટલ શેફિયલ ગ્લાસ આપવામાં આવ્યો છે. અન્ય ફીચર્સમાં બ્લૂટૂથ 4.0, USB, જાયરોસ્કોપ અને એક્સેલેરોમીટર સેન્સર આપવામાં આવ્યું છે. આ સ્માર્ટવોચની કિંમત 2,549 ડોલર એટલે કે 1,89,600 રુપિયા છે.

Breitling Exospace B55
Breitling Exospace B55માં 46mmની LCD ડિસ્પ્લે આપવામાં આવી છે. ડિઝાઇનની વાત કરીએ તો આ સ્માર્ટવોચનો કેસ ટાઇટેનિયમથી તૈયાર કરવામાં આવી છે અને ગ્લાસ ગ્લેયર પ્રૂફ કોટેજ ક્રિસ્ટલ સેફાયર છે. આ વોચમાં Email, ઇન્સન્ટ મેસેજિંગ નોટિફિકેશન અને રિમાઇન્ડર જેવા ફીયર્સ છે. આ સ્માર્ટવોચની કિંમત 8,900 ડોલર એટલે કે 6,62,046 રુપિયા છે.

Samsung de Grisogono Gear S2
સેમસંગે આ સ્માર્ટવોચ સ્વિસ લગ્ઝરી જ્વેલરી મેકર de Grisogono સાથે મળીને તૈયાર કરી છે. આ એક એલિગેન્સ, સ્ટાઈલિશ અને શાનદાર સ્માર્ટવોચ છે. Samsung de Grisogono Gear S2 સ્માર્ટવોચ રોઝ ગોલ્ડમાં મળે છે અને એની પર 100 બ્લેક એન્ડ વ્હાઇટ ડાયમંડ છે. આ એક લિમિટેડ એડિશન સ્માર્ટવોચ છે, જેની કિંમત 15,000 ડોલર એટલે કે 11,16,003 રુપિયાની આસપાસ છે.

Brikk Lux Watch Omni
સૌથી મોંઘી સ્માર્ટવોચની યાદીમાં સુપર લગ્ઝરી કસ્ટમ ડિઝાઇન Apple વોચ છે. જેને Brikk Lux Watch Omni કહેવામાં આવે છે. આ સ્માર્ટવોચ 18k યલો ગોલ્ડ અને 12 કેરેટ ડાયમંડથી સજ્જ છે. જે એના ફેસ, બટન અને સ્ટ્રેપ પર આપવામાં આવ્યા છે. યૂઝર્સની જરુરિયાત મુજબ વોચના સ્ટ્રિપ પર વધુ કે ઓછા ડાયમંડ લાગેલા હોય છે. Brikk Lux Watch Omniની કિંમત 1,09,995 ડોલર એટલે ભારતીય કરન્સીમાં આશરે 81,82,121 રુપિયા છે.

Suzukiએ ભારતમાં લોન્ચ કર્યું Avenis 125, લુક અને ફીચર્સ છે ખાસ
24 kmpl એવરેજ આપતી સસ્તી દેશી કાર Tata Tiagoના બધા વેરિયંટની મેળવો સંપૂર્ણ માહિતીઆ છે ભારતની 3 સૌથી સસ્તી ઇ-બાઇક્સ, 1 કિમી પર આવે છે માત્ર 9 પૈસાનો ખર્ચ



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here