petersburg road accident: સાઉથ આફ્રિકામાં થયેલા ગંભીર અકસ્માતમાં ભરુચના એક જ પરિવારના ત્રણના મોત – three people from bharuch died in an accident in south africa

0


હાઈલાઈટ્સ:

  • ભરુચના પરિવારને સાઉથ આફ્રિકામાં નડેલા રોડ અકસ્માતમાં 3નાં મોત
  • કાર જોહનિસબર્ગથી વેંડા જઈ રહી હતી ત્યારે પીટર્સબર્ગમાં અકસ્માત થયો
  • આ કાર અકસ્માતમાં 7 લોકો ઘાયલ થયા છે જેમાંથી 2ની હાલ વધારે ગંભીર છે

ભરુચઃ ભરુચથી સાઉથ આફ્રિકા ગયેલા ગુજરાતી પ્રવાસીઓને ગંભીર અકસ્માત નડ્યો છે. માર્ગ અકસ્માતમાં કારમાં સવાર 3 પ્રવાસીઓના મોત થયા છે. આ અકસ્માતમાં બે લોકો ગંભીર રીતે ઘાયલ થયા છે. મળતી વિગતો પ્રમાણે કારનું ટાયર ફાટવાના કારણે અકસ્માત સર્જાયો હતો. કારમાં 10 જેટલા મુસાફરો સવાર હતા જેઓ જોહનિસબર્ગ એરપોર્ટથી વેંડા જઈ રહ્યા હતા આ દરમિયાન પીટર્સબર્ગમાં બનેલી ઘટનામાં 3 ગુજરાતના પ્રવાસીઓના મોત થયા છે.

હાઈવે પર કાર ફૂલ સ્પીડમાં જઈ રહી હતી તે દરમિયાન સર્જાયેલા અકસ્માતમાં કારનું ટાયર ફાટ્યું હતું. આ પછી ડ્રાઈવરે સ્ટિયરિંગ પરથી કાબૂ ગુમાવ્યો હતો અને કાર હવામાં પર ફંગોળાઈ હતી. રોડ અકસ્માતમાં ઘાયલ થયેલા 7 લોકોને સારવાર માટે સ્થાનિક હોસ્પિટલમાં ખસેડવામાં આવ્યા છે જેમાંથી 5ને સામાન્ય ઈજા થઈ છે જ્યારે 2ની હાલત ગંભીર હોવાની વિગતો સામે આવી રહી છે.

ગુજરાતમાં અમદાવાદ સહિત ઠેરઠેર માવઠું, બે દિવસ અતિભારે વરસાદની આગાહી

ઘટના અંગે ભરુચમાં રહેતા પરિવારના સભ્યોને જાણ થતાં શોકનો માહોલ છવાયો છે. દુર્ઘટનામાં પરિવારના એકથી વધુ સભ્યોને ગુમાવવાનો ઘરના સભ્યોને ભારે શોક લાગ્યો છે. આવામાં મૃતકો તથા ઘાયલોને ગુજરાત લાવવાના પ્રયાસ હાથ ધરવામાં આવ્યા છે.

બનાવની વિગતો પ્રમાણે અચાનક બનેલી અકસ્માતની ઘટનામાં કારમાં બેઠેલા લોકો કશું સમજે તે પહેલા કાર હવામાં ફંગોળાવા લાગી હતી. અકસ્માત બાદ કારની હાલ જોઈને સમજી શકાય છે કે અકસ્માત કેટલો ગંભીર હશે. મળતી વિગતો પ્રમાણે અકસ્માતમાં મોતને ભેટેલા લોકો એક જ પરિવારના હતા.

કાર્યક્રમોની શોભા વધારતી લેસર અને હાઈબીમ લાઈટ પાઈલટ્સ માટે માથાનો દુ:ખાવો બની
આ અકસ્માત કઈ રીતે સર્જાયો તેમાં ડ્રાઈવરની કોઈ ભૂલ હતી કે નહીં તે અંગે પણ સ્થાનિક પોલીસ દ્વારા તપાસ કરવામાં આવી રહી છે. જરુર પડે તો ગુજરાત અને ભારત સરકાર દ્વારા મૃતકો તથા ઘાયલને પરત લાવવા માટે પ્રયાસો કરવામાં આવી શકે છે. આ અકસ્માત રાતના સમયે સર્જોયો હોવાના કારણે સ્થિતિ વધારે કફોડી બની હોવાનુંં માનવામાં આવી રહ્યું છે. વિગતો મળતા સ્થાનિક પોલીસ અને એમ્બ્યુલન્સની ટીમ ઘટના સ્થળ પર પહોંચી હતી અને જરુરી કાર્યવાહી કરી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here