Rahul Dravid: પ્રથમ ટેસ્ટ ડ્રો રહ્યા બાદ દ્રવિડે ખાસ કારણથી ગ્રાઉન્ડ્સમેનને આપ્યા 35,000 રૂપિયા – india vs new zealand kanpur test 2021 rahul dravid gives rs 35000 groundsmen for preparing sporting pitch

0


કાનપુરઃ રાહુલ દ્રવિડની ઓળખ એક દિગ્ગજ ક્રિકેટર ઉપરાંત એક ઉમદા વ્યક્તિ તરીકેની છે. તેનું વધું એક ઉદાહરણ ભારત અને ન્યૂઝીલેન્ડ વચ્ચે ડ્રો રહેલી પ્રથમ ટેસ્ટ ક્રિકેટ મેચ બાદ જોવા મળ્યું હતું. તેણે આ ટેસ્ટ માટે સ્પોર્ટિંગ પિચ તૈયાર કરવા બદલ શિવ કુમારની આગેવાનીવાળા ગ્રીન પાર્ક સ્ટેડિયમના ગ્રાઉન્ડસ્ટાફને 35,000 રૂપિયા આપ્યા હતા.

ભારતીય મૂળના એજાઝ પટેલ અને રાચિન રવિન્દ્રએ ઝાંખા પ્રકાશમાં અને પડકારજનક પિચ પર અદ્દભુત ડિફેન્સ દાખવ્યું હતું અને ભારતના સ્પિનર્સને સફળ થવા દીધા ન હતા. જેના કારણે રોમાંચક અને દિલધડક બનેલી પ્રથમ ટેસ્ટ મેચ સોમવારે અંતિમ દિવસે ડ્રો રહી હતી.

ઉત્તર પ્રદેશ ક્રિકેટ એસોસિયેશને મેચ બાદ પ્રેસ બોક્સમાં જાહેરાત કરી હતી કે, અમે સત્તાવાર જાહેરાત કરીએ છીએ કે રાહુલ દ્રવિડે અમારા ગ્રાઉન્ડ્સમેનને વ્યક્તિગત રીતે 35,000 રૂપિયા આપ્યા છે.

કારકિર્દીના દિવસોમાં રાહુલ દ્રવિડ પોતાની પ્રામાણિક રમત માટે જાણીતો હતો અને આટલા વર્ષો બાદ પણ તેમાં લેશ માત્રનો ફરક જોવા મળ્યો નથી. દ્રવિડે આ પ્રંશસાના રૂપમાં આ રૂપિયા એટલા માટે આપ્યા છે કેમ કે તેમણે મેચ એક તરફી ન બની જાય તેવી પિચ તૈયાર કરી હતી. મેચ ફક્ત ત્રણ દિવસમાં સમેટાઈ જાય તેવી પિચ તૈયાર કરી ન હતી.

આ એકદમ યોગ્ય પિચ હતી જ્યાં બેટર્સે રન નોંધાવવા મહેનત કરવી પડી હતી. શ્રેયસ ઐય્યર, શુભમન ગિલ, ટોમ લાથમ અને વિલ યંગે રન નોંધાવ્યા હતા પરંતુ તેમને તે માટે ઘણી મહેનત કરી પડી હતી. જ્યારે ટિમ સાઉધી અને કાયલે જેમિસને ભારતીય ટોપ ઓર્ડરને વેરવિખેર કરી દીધો હતો. યજમાન ટીમની કુલ 17 વિકેટ આ બંને બોલર્સે ઝડપી હતી. સ્પોર્ટિંગ પિચ માટે દ્રવિડે ઈનામ આપ્યું હોવાથી બીજી અને અંતિમ ટેસ્ટમાં પણ આવી જ પિચ રહેશે તેવી શક્યતા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here