inspector misbehave with woman: મહિલા પત્રકાર સાથે પીધેલી હાલતમાં ગેરવર્તન કરનારા અમરાઈવાડીના પીઆઈ ડિસમીસ – ahmedabad: amraiwadi pi damor dismissed for misbehaving with woman reporter

0


હાઈલાઈટ્સ:

  • પીઆઈ કે એ ડામોર સામે 2018માં એક મહિલા પત્રકાર સાથે ગેરવર્તન કરવાના મામલે ખાતાકીય તપાસ ચાલતી હતી.
  • કાર ઓવરટેક કરવાના મામલે તે સમયે પીએસઆઈ તરીકે ફરજ બજાવતા ડામોરે મહિલા સાથે ગેરવર્તન કર્યું હતું.
  • એ સમયે ડામોર તરણેતરના મેળામાં બંદોબસ્ત પૂરો કરી સરકારી ગાડીમાં દારુ પીધેલી હાલતમાં જઈ રહ્યા હતા.

અમદાવાદ: અમરાઈવાડી પોલીસ સ્ટેશનમાં ફરજ બજાવતા પીઆઈ કનૈયાલાલ અમૃતલાલ ડામોરને ફરજ પરથી રાજ્ય પોલીસવડાએ ડિસમીસ કરી દીધા છે. પીઆઈ ડામોર 2018માં તરણેતરના મેળામાં બંદોબસ્તમાં ગયા હતા. તે સમયે તેઓ પીએસઆઈ હતા. ત્યાંથી બંદોબસ્ત પૂર્ણ કરીને તેઓ સરકારી ગાડીમાં અમદાવાદ પરત આવી રહ્યા હતા તે સમયે દારુ પીધેલી હાલતમાં હતા અને ચોટીલા પાસે તેમણે એક મહિલા પત્રકાર સાથે ગેરવર્તન કર્યું હતું અને મહિલા પત્રકારને લાફો મારી દીધો હતો. જે અંગે ચોટીલા પોલીસ મથકમાં ગુનો નોંધાયો હતો.

આ મામલે ખાતાકીય તપાસ ચાલી હતી. જેમાં ડામોરે તે સમયે દારુ પીધો હોવાનું બહાર આવતા રાજ્ય પોલીસવડાએ તેમને તાત્કાલિક ડિસમીસ કરી દીધા છે અને તેમના સ્થાને પોલીસ કન્ટ્રોલ રૂમમાં ફરજ બજાવતા પીઆઈ જે પી રોઝિયાને અમરાઈવાડી પોલીસ સ્ટેશનનો ચાર્જ સોંપવામાં આવ્યો છે.

વાંધાજનક પોસ્ટ કરવા બાબતે સુરતના પીએસઆઈ સામે ગુનો નોંધાયો

અમરાઈવાડી પોલીસ સ્ટેશનના પીઆઈ કે એ ડામોર 2018માં સિવિલ ડિફેન્સમાં પીએસઆઈ તરીકે ફરજ બજાવતા હતા ત્યારે તેમને તરણેતરના મેળામાં બંદોબસ્તમાં મૂકાયા હતા. બંદોબસ્ત પૂરો થયા પછી તેઓ સરકારી ગાડીમાં અમદાવાદ આવવા નીકળ્યા હતા. એ સમયે ચોટીલા પાસે એક મહિલા પત્રકારની સાથે તેમને ઓવરટેક કરવા માટે બબાલ થઈ હતી. આ મહિલા પત્રકાર મેળાનું રિપોર્ટિંગ કરીને પરત ફરી રહ્યા હતાં, ત્યારે તેમની કારે ડામોરની કારને ઓવરેટ કરી હતી. જેથી ડામોરને ગુસ્સો આવી ગયો હતો અને તેમણે મહિલા પત્રકારની કારનો ઓવરટેક કરી કાર ઊભી રાખી દીધી હતી અને મહિલા પત્રકાર સાથે ગેરવર્તન કર્યું હતું.

દારૂના નશામાં ધૂત થઈ મહિલા પત્રકાર સાથે ગેરવર્તન કરનારા આ ડામોરની પકડાયા પછી કેવી હાલત થઈ હતી તેનો વિડીયો સોશિયલ મીડિયામાં વાયરલ થયો હતો. લોકો વચ્ચે ઘેરાઈ ગયા પછી ફસાયાની જાણ થતાની સાથે ડામોર અને સાથી પોલીસ ગરીબ ગાય બની ગયા હતા. ડામોર પોતે બે હાથ જોડીને માફી માગવા લાગ્યા હતા. એટલું જ નહીં, લોકોનો રોષ જોઈ તેમને ચાલતી પકડવા લાગતા લોકોએ પોલીસની ગાડીની ચાવી લઈ લીધી હતી. એ પછી તેમણે પોતાની નોકરી બચાવવા માટ ઘણી આજીજી કરી હતી.
ત્રણ વર્ષની બાળકીનો રેપ કરી હત્યા કરનારા નરાધમ વિજય ઠાકોરને આજીવન કેદ
મહિલા પત્રકારે પોતાની ફરિયાદમાં જણાવ્યું હતું કે, ડામોરે તેમને અપશબ્દો કહ્યા હતા અને લાફો પણ માર્યો હતો. તે પછી તેઓ ત્યાંથી ભાગી ગયા હતા. જોકે, મહિલા પત્રકારે તેમનો પીછો કર્યો હતો અને આ ઘટના અંગે કન્ટ્રોલ રૂમને જાણ કરી હતી. મહિલા પત્રકારે ચોટીલા પોલીસ સ્ટેશનમાં તત્કાલીન પીએસઆઈ કે એ ડામોર સામે ફરિયાદ નોંધાવી હતી. ત્યારથી તેમની સામે ખાતાકીય તપાસ ચાલી રહી હતી. જેમાં ડામોરે તે સમયે દારુ પીધો હોવાનું બહાર આવતા તેમને બરતરફ કરી દેવામાં આવ્યા છે.

વાવના રામકથાકારે મુખ્યમંત્રી ભૂપેન્દ્ર પટેલને આપી ખૂલ્લી ધમકી



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here