Ravichandra Ashwin: ટેસ્ટમાં અશ્વિનની વધુ એક મોટી સિદ્ધિ, તોડી નાંખ્યો હરભજન સિંહનો રેકોર્ડ – ashwin breaks harbhajan singh record becomes indias third highest wicket taker in tests

0


હાઈલાઈટ્સ:

  • હરભજનને પાછળ રાખીને અશ્વિન ટેસ્ટમાં સૌથી વધુ વિકેટ ઝડપનારો ત્રીજો ભારતીય બોલર બન્યો
  • હરભજન સિંહે 103 ટેસ્ટમાં 417 વિકેટ ઝડપી હતી જ્યારે અશ્વિને 80 ટેસ્ટમાં 418 વિકેટ ઝડપી છે
  • ભારત માટે અનિલ કુંબલેએ સૌથી વધુ 619 અને કપિલ દેવે 434 વિકેટ ઝડપી હતી

ભારતીય ક્રિકેટ ટીમના અનુભવી સ્પિનર રવિચંદ્રન અશ્વિને એક નવી સિદ્ધિ પોતાના નામે કરી લીધી છે. અશ્વિને ન્યૂઝીલેન્ડ વિરુદ્ધ રમાઈ રહેલી પ્રથમ ટેસ્ટ ક્રિકેટ મેચના પાંચમાં અને અંતિમ દિવસે સોમવારે દિગ્ગજ સ્પિનર હરભજન સિંહનો રેકોર્ડ તોડી નાંખ્યો છે. આ સાથે જ અશ્વિન ટેસ્ટમાં સૌથી વધુ વિકેટ ઝડપનારો ત્રીજો ભારતીય બની ગયો છે.

ભારત માટે સૌથી વધુ ટેસ્ટ વિકેટનો રેકોર્ડ લિજેન્ડરી સ્પિનર અનિલ કુંબલેના નામે છે. કુંબલેએ 619 વિકેટ ઝડપી હતી. જ્યારે ભારતના પ્રથમ વર્લ્ડ કપ વિજેતા સુકાની કપિલ દેવ 434 વિકેટ સાથે આ યાદીમાં બીજા ક્રમે છે.

અશ્વિને હવે હરભજન સિંહના 417 વિકેટના રેકોર્ડને તોડી નાંખ્યો છે. 35 વર્ષીય અશ્વિને 80 મેચમાં 418 વિકેટ ઝડપી છે. જ્યારે હરભજન સિંહે 103 મેચમાં 417 વિકેટ ઝડપી હતી.

પ્રથમ ટેસ્ટ રોમાંચક રીતે ડ્રો, ન્યૂઝીલેન્ડ સામે એક વિકેટ માટે જીતથી વંચિત રહ્યું ભારત
અશ્વિને બીજા દાવમાં ન્યૂઝીલેન્ડના ઓપનર વિલ યંગને આઉટ કરીને હરભજન સિંહના રેકોર્ડને સરભર કર્યો હતો. જ્યારે મેચના અંતિમ દિવસે સોમવારે તેના સાથી ઓપનર ટોમ લાથમની વિકેટ ઝડપવાની સાથે જ અશ્વિન ટેસ્ટમાં ભારતનો ત્રીજો સૌથી સફળ બોલર બની ગયો હતો.

પોતાનો રેકોર્ડ તોડ્યા બાદ હરભજન સિંહે ટ્વિટર પર અશ્વિનને અભિનંદન પાઠવ્યા હતા. હરભજને ટ્વિટ કરી હતી કે, તેની સિદ્ધિ બદલ હું અશ્વિનને અભિનંદન પાઠવું છું. અદ્દભુત અને આશા છે કે તે ભારત માટે વધુમાં વધુ મેચ જીતાડશે.

હરભજને કહ્યું હતું કે, હું ક્યારેય તુલનામાં માનતો નથી. અમે બંનેએ જુદા-જુદા સમયે અને જુદી-જુદી ટીમો સામે શ્રેષ્ઠ ક્રિકેટ રમ્યા છીએ. મેં દેશ માટે મારું શ્રેષ્ઠ યોગદાન આપ્યું છે અને અશ્વિન માટે પણ તેવું જ છે, હવે તે શ્રેષ્ઠ કરી રહ્યો છે.
પ્રથમ ટેસ્ટઃ ડેબ્યુ મેચમાં ઈતિહાસ રચનાર શ્રેયસ ઐય્યરને કોચ દ્રવિડે આપ્યો હતો આ ‘ગુરુમંત્ર’અશ્વિન ટેસ્ટમાં 400થી વધુ વિકેટ ઝડપનારો ભારતનો ચોથો બોલર બન્યો છે. આ ઉપરાંત ટેસ્ટમાં સૌથી વધુ વિકેટ ઝડપનારા બોલર્સમાં 13માં ક્રમે છે. હરભજનને પાછળ રાખતા અગાઉ અશ્વિને પાકિસ્તાનના દિગ્ગજ ઝડપી બોલર વસિમ અકરમ (414)ને પાછળ રાખ્યો હતો.

હાલમાં રમી રહ્યા હોય તેવા ટેસ્ટ ક્રિકેટર્સમાં પણ સૌથી વધુ વિકેટ ઝડપવામાં અશ્વિન ત્રીજા ક્રમે છે. તેનાથી આગળ ઈંગ્લેન્ડના બે દિગ્ગજ બોલર છે. 632 વિકેટ સાથે જેમ્સ એન્ડરસન પ્રથમ અને 524 વિકેટ સાથે સ્ટુઅર્ટ બ્રોડ બીજા ક્રમે છે.

અશ્વિને નવેમ્બર 2011માં દિલ્હીમાં વેસ્ટ ઈન્ડિઝ વિરુદ્ધ ટેસ્ટ કારકિર્દીનો પ્રારંભ કર્યો હતો. ટેસ્ટમાં શાનદાર બોલિંગ કરવા ઉપરાંત ઉપયોગી બેટિંગ પણ કરી છે. તેણે ટેસ્ટમાં 2685 રન નોંધાવ્યા છે. આ ઉપરાંત તેણે 111 વન-ડેમાં 150 અને 51 ટી20માં 61 વિકેટ ખેરવી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here