surat psi vasava: વાંધાજનક પોસ્ટ કરવા બાબતે સુરતના પીએસઆઈ સામે ગુનો નોંધાયો – police took action against surat psi for offensive remarks on department

0


હાઈલાઈટ્સ:

  • સુરત પોલીસના પીએસઆઈ સામે વિભાગ દ્વારા પગલા ભરવામાં આવ્યા
  • 10 ઓગસ્ટના રોજ પીએસઆઈ વસાવાએ ઉશ્કેરણીજનક પોસ્ટ કરી હતી
  • વાંધનજનક પોસ્ટ કર્યા બાદ પીએસઆઈ સામે ગુનો નોંધવામાં આવ્યો છે

સુરતઃ પોલીસ ગ્રેડ પે મામલે ઉશ્કેરણીજનક પોસ્ટ કરનારા સુરતના પીએસઆઈ સામે ગુનો નોંધાયો છે. સુરતમાં થોડા દિવસો પહેલા પોલીસ પરેડ મોકૂફ રાખવામાં આવ્યા બાદ પીએસઆઈ આરઆર વસાવાએ વાંધાજનક પોસ્ટ કરી હતી. આ સાથે જ તેમણે સરકારની નીતિઓ સામે પણ સવાલ ઉઠાવ્યા હતા. પીએસઆઈ વસાવાએ અન્ય રાજ્યોની સરખામણીમાં ગુજરાતમાં પોલીસને પગાર ઓછો મળતો હોવાનો મુદ્દો ઉઠાવ્યો હતો.

અરબી સમુદ્ર પર સર્જાયું લો પ્રેશર, રાજ્યમાં બે દિવસ ભારેથી અતિભારે વરસાદની આગાહી

રિપોર્ટ્સ મુજબ આ બાબત ઉચ્ચ પોલીસ અધિકારીઓના ધ્યાને આવતા વસાવા સામે ગુનો નોંધીને પગલા ભરવામાં આવ્યા છે. પોલીસ કંટ્રોલ તથા પોલીસ મુખ્ય મથકના મદદનીશ પોલીસ કમિશનર આઈએન પરમાર દ્વારા પોલીસ કંટ્રોલ રૂમમાં ફરજ બજાવતા પીએસઆઈ રતિલાલ વસાવા સામે ફરિયાદ નોંધવામાં આવી છે. ફરિયાદમાં જણાવવામાં આવ્યું છે કે પીએસઆઈ વસાવા દ્વારા 10 ઓગસ્ટના રોજ સોશિયલ મીડિયામાં વાંધાજનક પોસ્ટ કરી હતી.

પોલીસ ગ્રેડ પે તથા સુરત શહેર પોલીસ પરેડ કાર્યક્રમ રદ્દ રહેતા ઉશ્કેરણીજનક પોસ્ટ કરી હતી. આ પોસ્ટના કારણે ઉચ્ચ પોલીસ અધિકારીની છબી ખરડાઈ હોવાનું માનવામાં આવ્યું હતું. જે બાદ આ અંગે વાંધજનક પોસ્ટ કરનારા રતિલાલ વસાવા સામે ગુનો નોંધવામાં આવ્યો છે.

પીએસઆઈ વસાવાએ લોકરક્ષકથી લઈને પીએસઆઈ સુધીના નાના કર્મચારીઓ અને તેમના પરિવારમાં ભારતમાં કાયદાથી સ્થાપિત સરકાર તથા સરકારના ઉચ્ચ અધિકારીઓ વિરુદ્ધી બેદીલી ફેલાય તેવા ઉશ્કેરણીજનક ઉશ્કેરાટ અને ગેરસમજ પેદા થાય અને તે થકી કોઈ જાહેર સુલેહ શાંતિ વિરુદ્ધનો ગુનો કરી બેસે તેવી વાંધાજનક પોસ્ટ મૂકી હતી.

ગુનો નોંધાયા બાદ પીએસઆઈ વસાવા સામે કાર્યવાહી કરીને જરુરી પગલા ભરવામાં આવશે. ફરી કોઈ પોલીસકર્મી આ પ્રકારનું પગલું ભરીને પોલીસ વિભાગની છબી ના બગાડે તેને ધ્યાનમાં લઈને આ કાર્યવાહી કરવામાં આવી હોવાની પણ ચર્ચાઓ થઈ રહી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here