India vs New Zealand Kanpur Test 2021: પ્રથમ ટેસ્ટ રોમાંચક રીતે ડ્રો, ન્યૂઝીલેન્ડ સામે એક વિકેટ માટે જીતથી વંચિત રહ્યું ભારત – india vs new zealand first test 2021 new zealand earn a draw in a thriller

0


હાઈલાઈટ્સ:

  • એજાઝ પટેલ અને રચિન રવિન્દ્રની અંતિમ જોડીએ ન્યૂઝીલેન્ડને પરાજયમાંથી બચાવ્યું
  • પ્રથમ દાવમાં સદી અને બીજા દાવમાં અડધી સદી નોંધાવનારો શ્રેયસ ઐય્યર પ્લેયર ઓફ ધ મેચ
  • રવિન્દ્ર જાડેજાની ચાર અને રવિચંદ્રન અશ્વિનની ત્રણ વિકેટ, અક્ષર અને ઉમેશને એક-એક સફળતા

ભારત અને ન્યૂઝીલેન્ડ વચ્ચે કાનપુરમાં રમાયેલી પ્રથમ ટેસ્ટ ક્રિકેટ મેચ ડ્રો રહી છે. જોકે, આ મેચ અંતિમ બોલ સુધી રોમાંચક બની રહી હતી જેમાં એજાઝ પટેલ અને રચિન રવિન્દ્ર અંતિમ ઓવર્સમાં ભારતીય સ્પિનર્સની ઘાતક બોલિંગનો મક્કમતાથી સામનો કરીને ટીમ ઈન્ડિયાને વિજયથી વંચિત રાખી હતી. અગાઉ રવિન્દ્ર જાડેજા અને રવિચંદ્રન અશ્વિને તરખાટ મચાવીને ભારતને વિજયની નજીક લાવી દીધું હતું પરંતુ તેમનું આ પ્રદર્શન ટીમને વિજય અપાવી શક્યું ન હતું. પ્રથમ દાવમાં સદી અને બીજા દાવમાં અડધી સદી નોંધાવનારા શ્રેયસ ઐય્યરને પ્લેયર ઓફ ધ મેચ જાહેર કરાયો હતો.

ભારતે ન્યૂઝીલેન્ડ સામે 284 રનનો લક્ષ્યાંક મૂક્યો હતો. ન્યૂઝીલેન્ડના ટોપ ઓર્ડરે ટીમ ઈન્ડિયાને વળતી લડત આપી હતી પરંતુ જાડેજા અને અશ્વિનની ઘાતક બોલિંગ સામે ન્યૂઝીલેન્ડના બેટ્સમેનો વધારે સમય ટકી શક્યા ન હતા. એક પછી એક વિકેટ પડી જતા ભારત વિજયની નજીક આવી ગયુ હતું પરંતુ અંતિમ વિકેટ ન લઈ શકતા ટીમને ડ્રોથી સંતોષ માનવો પડ્યો હતો. 284 રનના ટાર્ગેટ સામે ન્યૂઝીલેન્ડે 9 વિકેટે 165 રન નોંધાવ્યા હતા.

કંગાળ ફોર્મમાં રમી રહ્યો છે હાર્દિક પંડ્યાનો ભાઈ કૃણાલ, લીધો મોટો નિર્ણય
અગાઉ ભારતે પ્રથમ દાવમાં શ્રેયસ ઐય્યરની સદી તથા શુભમન ગિલ અને રવિન્દ્ર જાડેજાની અડધી સદીની મદદથી 345 રનનો સ્કોર નોંધાવ્યો હતો. જેના જવાબમાં ન્યૂઝીલેન્ડે પ્રથમ દાવમાં 296 રન નોંધાવ્યા હતા. જેના કારણે ભારત સરસાઈ મેળવવામાં સફળ રહ્યું હતું. ભારતે સાત વિકેટે 234 રનના સ્કોર પર બીજો દાવ ડિક્લેર કર્યો હતો અને ન્યૂઝીલેન્ડ સામે 284 રનનો ટાર્ગેટ મૂક્યો હતો. બીજા દાવમાં શ્રેયસ ઐય્યરે અડધી સદી ફટકારી હતી.

ન્યૂઝીલેન્ડના ટોપ ઓર્ડરે આપી હતી લડત
284 રનના ટાર્ગેટ સામે ન્યૂઝીલેન્ડે ચોથા દિવસના અંત સુધીમાં એક વિકેટ ગુમાવી દીધી હતી. જોકે, બાદમાં ટોમ લાથમ, વિલિયમ સમરવિલે અને સુકાની કેન વિલિયમ્સનને લડત આપી હતી. ટોમ લાથમે બીજા દાવમાં પણ શાનદાર બેટિંગ કરતા અડધી સદી ફટકારી હતી. તેણે 146 બોલમાં ત્રણ ચોગ્ગાની મદદથી 52 રન ફટકાર્યા હતા. જ્યારે સમરવિલેએ 36 રનનું યોગદાન આપ્યું હતું. વિલિયમ્સન સેટ થવામાં સફળ રહ્યો હતો પરંતુ મોટી ઈનિંગ્સ રમી શક્યો ન હતો. તે 112 બોલમાં 24 રન નોંધાવીને આઉટ થયો હતો. જ્યારે ઓપનર વિલ યંગ બે રન નોંધાવીને આઉટ થયો હતો.
રવિન્દ્રએ રવિન્દ્રને કર્યો બોલ્ડઃ કાનપુર ટેસ્ટમાં જાડેજાના અદ્દભુત બોલનો વિડીયો
રવિન્દ્ર જાડેજા અને રવિચંદ્રન અશ્વિનનો તરખાટ
પાંચમાં દિવસે ભારતીય સ્પિન જોડી અશ્વિન અને જાડેજાએ તરખાટ મચાવી દીધો હતો. અશ્વિને બંને ઓપનરને પોતાના શિકાર બનાવ્યા હતા. ત્યરાબાદ જાડેજાએ વિલિયમ્સન અને રોસ ટેલર જેવા અનુભવી જોખમી બેટ્સમેનોને પેવેલિયન ભેગા કરીને ભારતને મહત્વની સફળતા અપાવી હતી. આ ઉપરાંત અંતિમ ઓવર્સમાં કાયલે જેમિસન અને ટિમ સાઉધીએ સંઘર્ષ કર્યો હતો પરંતુ જાડેજાએ તે બંનેને આઉટ કરીને ભારત વિજય તરફ દોરી ગયો હતો. પરંતુ એજાઝ પટેલ અને રચિન રવિન્દ્રએ ભારતને સફળ થવા દીધું ન હતું. જાડેજાએ ચાર અને અશ્વિને ત્રણ વિકેટ ઝડપી હતી. જ્યારે અક્ષર પટેલ અને ઉમેશ યાદવને એક-એક સફળતા મળી હતી.

એજાઝ પટેલ અને રચિન રવિન્દ્રએ ભારતને જીતથી વંચિત રાખ્યું
ન્યૂઝીલેન્ડના બીજા દાવની 90મી ઓવરમાં રવિન્દ્ર જાડેજાએ ટિમ સાઉધીને એલબીડબલ્યુ આઉટ કરીને ભારતને નવમી સફળતા અપાવી હતી. ત્યારબાદ ક્રિઝ પર એજાઝ પટેલ અને રચિન રવિન્દ્ર હતા અને ભારતને આગામી 8 ઓવરમાં ફક્ત એક જ વિકેટની જરૂર હતી. જાડેજા અને અશ્વિનની બોલિંગ જોતાં ભારતને વિજય હાથ વેંતમાં જ લાગી રહ્યો હતો. જોકે, એજાઝ અને રચિને ભારતીય બોલર્સનો મક્કમતાથી સામનો કર્યો હતો અને ટીમને પરાજયમાંથી ઉગારી લીધી હતી. એજાઝે 23 બોલમાં અણનમ બે રન નોંધાવ્યા હતા જ્યારે રચિને 91 બોલનો સામનો કર્યો હતો જેમાં તેણે અણનમ 18 રન નોંધાવ્યા હતા.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here