omicron variant: પ્રતિબંધો છતાં 13 દેશો સુધી પહોંચી ગયો ઓમીક્રોન, ભારત માટે પણ ચિંતાનો વિષય – omicron variant spreads to at least 13 countries despite travel restrictions, india need to be alert

0


હાઈલાઈટ્સ:

  • કોરોના નવો ખતરનાક વેરિયન્ટ ઓમીક્રોન 13 જેટલા દેશોમાં પહોંચી ચૂક્યો છે.
  • આ વેરિયન્ટ વેક્સીનની સુરક્ષાનો ઘણો મજબૂતીથી સામનો કરી શકે છે.
  • ઈટાલીના રિસર્ચર્સે કોરોનાના નવા વેરિયન્ટ ‘ઓમીક્રોન’ની પહેલી તસવીર રિલીઝ કરી છે.

નવી દિલ્હી: કોરોનાનો નવો વેરિયન્ટ ઝડપથી પોતાના પગ ફેલાવી રહ્યો છે. આ ખતરનાક વાયરસ ઓછામાં ઓછા 13 દેશોમાં પહોંચી ચૂક્યો છે. તમામ પ્રતિબંધો છતાં આ વાયરસે આ દેશોમાં એન્ટ્રી કરી છે. પહેલા જ તેને ઘણો ચેપી જણાવાઈ ચૂકયો છે. બાઈડન વહીવટીતંત્રના ટોચના હેલ્થ સલાહકાર એન્થની ફાઉચી પણ તેને લઈને ખતરો વ્યક્ત કરી ચૂક્યા છે. બીજી લહેરમાં ભારતે આ વાયરસના ડેલ્ટા વેરિયન્ટનું તાંડવ જોયું છે. એવામાં તેને ખાસ તકેદારી રાખવાની જરૂર છે.

ગત સપ્તાહે પહેલી વખત આ વેરિયન્ટની ઓળખ દક્ષિણ આફ્રિકામાં થઈ હતી. કેટલાક જ દિવસોમાં આ સ્ટ્રેન 13 દેશોમાં ફેલાઈ ગયો છે. તેનાથી સંપૂર્ણ રીતે વેક્સિનેટેડ લોકોને પણ સંક્રમિત કરાયો છે. આ વેરિયન્ટને બી.1.1.529 નામ આપી દેવાયું છે. ઘણા મહાદ્વીપોમાં ઓમીક્રોન વેરિયન્ટથી સંક્રમિત થવાના મામલાની પુષ્ટિ થઈ ચૂકી છે. જર્મની, ઈટલી, બેલ્જિયમ, ઈઝરાયલ અને હોંગકોંગમાં પણ તેના કેસ સામે આવ્યા છે.

કોરોના નવા વેરિયન્ટ ઓમીક્રોને દુનિયાનું ટેન્શન વધારી દીધું છે. નવા વેરિયન્ટ પર અંકુશ લગાવવા માટે દુનિયાભરમાં ટ્રાવેલ પ્રતિબંધોને કડક કરી દેવાયા છે. ઓસ્ટ્ર્રેલિયાના પાડોશી દેશ ન્યૂઝીલેન્ડે નવા વેરિયન્ટથી ઊભા થયેલા ખતરાને જોતા દક્ષિણ આફ્રિકાના નવ દેશોના મુસાફરો પર પ્રતિબંધ મૂકી દીધો છે. તો, જાપાને પણ પ્રતિબંધો કડક કરવાની જાહેરાત કરી છે.

‘ઓમીક્રોન’ને લઇને WHOએ આપી ચેતવણી, કહ્યું-અત્યંત જોખમી છે નવો વેરિયન્ટ

પર્યટન પર નિર્ભર દેશ થાઈલેન્ડે આફ્રિકાના 8 દેશોના પ્રવાસીઓ પર પ્રતિબંધ મૂક્યો છે. થાઈલેન્ડે પોતાના કડક નિયમોમાંથી તાજેતરમાં જ છૂટ આપવાની શરૂઆત કરી હતી, જેથી અલગ-અલગ દેશોમાંથી લોકો પર્યટન માટે આવી શકે. વેપારી કેન્દ્ર મનાતા સિંગાપોરમાં પણ આવા જ પ્રતિબંધો લાગુ કરાયા છે. સિંગાપોરે તાજેતરમાં જ દક્ષિણ આફ્રિકાના 7 દેશોના મુસાફરો પર પ્રતિબંધ લગાવી દીધો છે.

ઓમીક્રોન વેરિયન્ટને ફેલાતો રોકવા માટે દુનિયાના અન્ય ક્ષેત્રોમાં લગાવાઈ રહેલા પ્રતિબંધોનો પ્રભાવ એશિયા-પ્રશાંત ક્ષેત્રમાં પણ જોવા મળી રહ્યો છે. આમ તો, હજુ આ વેરિયન્ટ વિશે ઘણું જાણવાનું બાકી છે. પરંતુ, રિસર્ચર્સ એ વાતને લઈને ચિંતિત છે કે તે વેક્સીનની સુરક્ષાનો ઘણો મજબૂતીથી સામનો કરી શકે છે. તેનો અર્થ થઈ શકે કે, મહામારી અપેક્ષા કરતા વધુ સમય સુધી રહી શકે છે.

અમેરિકાના ટોપના ચેપી રોગ વિશેષજ્ઞ એન્થની ફાઉચીએ કહ્યું હતું કે, તેમાં આશ્ચર્યની કોઈ વાત નથી કે અમેરિકામાં પણ ઓમીક્રોન સ્વરૂપ પહેલેથી રહેલો છે. ફાઉચીએ એનબીસી ટેલીવિઝનને જણાવ્યું કે, ‘અમને હજુ તેના કેસ સામે આવ્યાની જાણકારી નથી મળી, પરંતુ આ પ્રકારના વાયરસનું સંક્રમણ દરેક જગ્યાએ ફેલાવાની આશંકા રહેતી હોય છે.’ તેમણે કહ્યું હતું કે, નવા વેરિયન્ટથી ખતરાને જોતાં અમેરિકાથી જે શક્ય બને તે કરવું જોઈએ. પરંતુ, હાલમાં એ કહેવું ઉતાવળ ગણાશે કે દેશને વધુ એક લોકડાઉન કે અન્ય પ્રતિબંધોની જરૂર પડશે.

ભારતને કેમ ચેતતા રહેવાની જરૂર છે?
બીજી લહેરમાં ભારતે કોરોનાની ભયાનકતા જોઈ છે. આ દરમિયાન હોસ્પિટલો ઊભરાઈ ગઈ હતી. ઓક્સિજનની અછત સામે આવી હતી. દવાઓની પણ અછત સર્જાઈ હતી. એવામાં ભારતને ખાસ સાવચેત રહેવાની જરૂર છે.

ઈટાલીના રિસર્ચર્સે કોરોનાના નવા વેરિયન્ટ ‘ઓમીક્રોન’ની પહેલી તસવીર રિલીઝ કરી છે. તસવીર એ વાતની પુષ્ટિ કરે છે કે, નવો સ્ટ્રેન મૂળ કોરોના વાયરસનું ખૂબ જ પરિવર્તિત રૂપ છે. ‘ડેલ્ટા’ વેરિયન્ટની સરખામણીમાં ‘ઓમીક્રોન’માં ઘણા વધુ મ્યુટેશન નજર આવી રહ્યા છે. જોકે, દુનિયાભરમાં સનસનાટી ફેલાવી ચૂકેલો આ વેરિયન્ટ કેટલો વધુ સંક્રામક અને ઘાતક બીમારી આપી શકે છે, હજુ તેની જાણ થઈ નથી.
Omicronની પહેલી તસવીર, ડેલ્ટા કરતા ઘણો ભયાનક દેખાઈ રહ્યો છે નવો વાયરસ
કેન્દ્રએ ઉઠાવ્યા છે કયા-કયા પગલાં?
નવા વેરિયન્ટથી ખતરાને જોતા ભારત સરકારે ગુરુવારે દક્ષિણ આફ્રિકા, બોત્સવાના અને હોંગકોંગના મુસાફરોનું કડક સ્ક્રીનિંગ કરવા કહ્યું હતું. શનિવારે ટોચના અધિકારીઓ સાથે થયેલી બેઠકમાં વડાપ્રધાન નરેન્દ્ર મોદીએ તેને પગલે ‘પ્રોએક્ટિવ’ રહેવાની જરૂરિયાત પર ભાર આપ્યો હતો. તેમણે લોકોને વધુ સતર્ક રહેવા અને માસ્ક પહેરવા તેમજ યોગ્ય અંતર રાખવા સહિત બચાવના બધા અન્ય ઉપાયોનું પાલન કરવાની જરૂર વ્યક્ત કરી હતી.

તે પછી રવિવારે ગૃહ સચિવ અજય કુમાર ભલ્લાએ ઈમરજન્સી મીટિંગ બોલાવી હતી. તેમાં વાયરસથી બચાવના અલગ-અલગ ઉપાયો પર ચર્ચા થઈ હતી. ઈન્ટરનેશનલ પેસેન્જર સર્વિસ ફરી શરૂ કરવાની તારીખ પર સ્થિતિઓ મુજબ સમીક્ષાની વાત થઈ હતી.. દેશની અંદર પણ સ્થિતિ પર ચાંપતી નજર રાખવાનો નિર્ણય કર્યો હતો. એરપોર્ટ હેલ્થ ઓફિશિયલ્સને સાવચેત રહેવા માટે કહેવાયું હતું.

તે પછી સરકારે ગાઈડલાઈન્સ પણ જાહેર કરી હતી. તે મુજબ, દક્ષિણ આફ્રિકા અને જે દેશોમાં નવો વેરિયન્ટ મળ્યો છે, ત્યાંથી ભારત આવતા મુસાફરોને ફરજિયાત રીતે એરપોર્ટ પર બનેલા ટેસ્ટિંગ સેન્ટરમાં આરટી-પીસીઆર તપાસ કરાવવાની રહેશે. રિપોર્ટ નેગેટિવ આવ્યા પછી જ તેમને એરપોર્ટની બહાર નીકળવાની મંજૂરી અપાશે. તેમને 7 દિવસ હોમ ક્વારન્ટાઈન રહેવું જરૂરી હશે.

બોપલમાં વેચાતા આ ‘ઓરિયો ભજીયા’નો ટેસ્ટ તમે કર્યો કે નહીં?



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here