unseasonal rain: અરબી સમુદ્ર પર સર્જાયું લો પ્રેશર, રાજ્યમાં બે દિવસ ભારેથી અતિભારે વરસાદની આગાહી – gujarat to receive heavy unseasonal rain for two days due to western disturbance

0


હાઈલાઈટ્સ:

  • અરબી સમુદ્ર પર લો પ્રેશર અને વેસ્ટર્ન ડિસ્ટર્બન્સના કારણે રાજ્યના વાતાવરણમાં પલટો
  • બુધવાર અને ગુરુવાર એમ બે દિવસ 16 જિલ્લામાં માવઠાંની હવામાન વિભાગની આગાહી
  • અરબી સમુદ્રમાં સિસ્ટમ સક્રીય હોવાથી માછીમારોને દરિયો ન ખેડવાની પણ સૂચના

અમદાવાદઃ ફરી એકવાર અરબી સમુદ્ર પર લો પ્રેશર અને વેસ્ટર્ન ડિસ્ટર્બન્સના કારણે રાજ્યના વાતાવરણમાં પલટો આવ્યો છે. બુધવારે વહેલી સવારે અમદાવાદમાં ઝરમર વરસાર તો કેટલાક ભાગમાં વરસાદી છાંટા પડ્યા હતા. આગામી બે દિવસ પણ કમોસમી વરસાદની આગાહી ભારતીય હવામાન વિભાગ દ્વારા કરવામાં આવી છે. જેના કારણે ખેડૂતોની ચિંતા વધી છે. રાજ્યમાં ભારેથી અતિભારે વરસાદની આગાહી કરવામાં આવી છે.

સાળંગપુર હનુમાનજી મંદિરમાં તૈયાર થશે ગુજરાતનું સૌથી મોટું ભોજનાલય
આજે અને આવતીકાલે (બુધવાર અને ગુરુવાર) અમદાવાદ સહિત 16 જિલ્લામાં માવઠાંની આગાહી છે. આગાહી પ્રમાણે, પહેલી ડિસેમ્બરે 60 કિમીની ઝડપે પવન ફૂંકાવાની સાથે ભારેથી અતિભારે વરસાદ પડશે જ્યારે બીજી ડિસેમ્બરે ભારે વરસાદની શક્યતા છે.

હવામાન વિભાગના ડિરેક્ટર મનોરમ મોહંતીએ જણાવ્યું હતું કે, અરબી સમુદ્રમાં લો પ્રેશર અને વેસ્ટર્ન ડિસ્ટર્બન્સના કારણે રાજ્યના કેટલાક જિલ્લામાં કમોસમી વરસાદ થશે. સાથે 40થી 60 કિમીની ઝડપે પવન ફૂંકાશે. અરબી સમુદ્રમાં સિસ્ટમ સક્રીય હોવાથી માછીમારોને દરિયો ન ખેડવાની પણ સૂચના આપવામાં આવી છે. આ સિવાય વરસાદની આગાહીને લઈને ખેડૂતોને તેનો કૃષિ પાક સલમાત જગ્યાએ રાખવા તો માર્કેટ યાર્ડમાં પણ માલ પલળે નહીં તેના પગલા લેવાનું કહેવામાં આવ્યું છે.

કોરોના: ગુજરાતમાં નવા 40 કેસ નોંધાયા, અમદાવાદમાં સૌથી વધુ 10
દક્ષિણ ગુજરાતના તમામ જિલ્લા તેમજ અમદાવાદ, આણંદ, ખેડા, પંચમહાલ, દાહોદ, સુરેન્દ્રનગર, રાજકોટ, પોરબંદર, જૂનાગઢ, અમરેલી, ભાવનગર, ગીર સોમનાથ, બોટાદ અને દીવમાં કમોસમી વરસાદ થશે. આજે સુરત, નવસારી, વલસાડ, તાપી, અમરેલી તેમજ ભાવનગરમાં ભારેથી અતિ ભારે વરસાદની આગાહી છે. બનાસકાંઠા, સાબરકાંઠા, આણંદ, વડોદરા, નર્મદા, છોટા ઉદેપુર, દમણ તેમજ દીવમાં પણ વરસાદની શક્યતા છે. અન્ય જિલ્લામાં મધ્યમ વરસાદ રહેશે અને 40થી 60 કિમીની ઝડપે પવન ફૂંકાશે.

હવામાન વિભાગની આગાહી પ્રમાણે 40થી 60 કિમીની ઝડપે પવન ફૂંકાવાની સાથે ગુરુવારે બનાસકાંઠા, સાબરકાંઠા, અરવલ્લી, મહિસાગર, છોટા ઉદેપુર અને નર્મદા જિલ્લામાં ભારે વરસાદ પડશે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here