two brothers theft in temple: દેવું થઈ જતા બે સાઢુભાઈએ 16 મંદિરોમાં કરી ચોરી, ક્રાઈમ બ્રાંચે ઝડપ્યા – two brothers arrested by crime branch for theft in temple in gujarat

0


| I am Gujarat | Updated: Nov 30, 2021, 11:36 PM

આરોપી સાઢુભાઈ પહેલાં સોનાના દાગીના બનાવવાનું કામ કરતા હતા. કોરોનાકાળમાં મંદી આવતા જમીન દલાલી શરૂ કરી. એમાં પણ મંદી આવી અને દેવું થઈ ગયું. દેવામાંથી બહાર આવવા ચોરીના રવાડે ચઢી ગયા હતા

 

હાઈલાઈટ્સ:

  • સોનાના દાગીના બનાવતા સાઢુભાઈઓને કોરોનાકાળમાં મંદી નડી
  • પછી બંનેએ જમીન દલાલી શરૂ કરી, એમાં પણ મંદી આવી અને દેવું થઈ ગયુ
  • દેવામાંથી છૂટકારો મેળવવા ચોરીના રવાડે ચઢી ગયા, મંદિરોમાં કરતા હતા ચોરી

અમદાવાદઃ ગુજરાતીમાં એક કહેવત છે કે, જમણમાં લાડુ અને સગપણમાં સાઢુ જરૂરી છે. ત્યારે અમદાવાદ ક્રાઈમ બ્રાંચે બે એવા સાઢુભાઈને ઝડપી પાડ્યા છે કે જેઓએ ઢગલાબંધ મંદિરોને નિશાન બનાવીને ચોરી કરી હતી. પોલીસ તપાસમાં સામે આવ્યું કે, કોરોનાકાળ દરમિયાન ધંધામાં મંદી આવતા દેવું થઈ ગયુ હતું. જે બાદ બંને સાઢુભાઈ ચોરીના રવાડે ચઢી ગયા હતા. ક્રાઈમ બ્રાંચે આરોપી સાઢુભાઈ પાસેથી મુદ્દામાલ પણ કબજે કર્યો છે. તેઓએ ગુજરાતના અનેક મંદિરોમાં ચોરી કરી હોવાનું જાણી પોલીસ પણ ચોંકી ગઈ હતી.

7 મહિનામાં 16 મંદિરોમાં ચોરી
પ્રાપ્ત વિગતો મુજબ, અમદાવાદ ક્રાઈમ બ્રાંચે અતુલ સોની અને ભરત સોની નામના બે આરોપી સાઢુભાઈને ઝડપી પાડ્યા છે. પોલીસે જ્યારે બંને આરોપીની પૂછપરછ કરી તો કબૂલાત સાંભળીને પોલીસ પણ ચોંકી ગઈ હતી. તેઓએ ગુજરાના અનેક મંદિરોમાં ચોરી કરી હોવાની કબૂલાત કરી હોવાનું કબૂલ્યુ હતુ. આરોપીઓની પોલીસ પૂછપરછમાં ચોંકાવનારી વિગતો સામે આવી હતી. આરોપીઓેએ કબૂલાત કરતા જણાવ્યું કે, તેઓએ છેલ્લાં 7 મહિનામાં રાજ્યના 16 જેટલા મંદિરોને નિશાન બનાવી ચોરી કરી હતી. આરોપીઓ દિવસના સમયે મંદિરમાં જતા અને સોના ચાંદીના દાગીના તથા રોકડ રકમની ચોરી કરી ફરાર થઈ જતા હતા. એટલું જ નહીં બંને આરોપીઓ વ્યવસાયે સોની હોવાથી ચોરી કરેલા દાગીનાને ગાળી દેતા હતા.
શારીરિક રીતે પીડાતી પત્ની પાસે પતિ શરીર સુખની માંગણી કરીને ત્રાસ આપતો
આ વિસ્તારોનાં મંદિરોમાં કરી ચોરી
પોલીસ પૂછપરછમાં એવું પણ સામે આવ્યું કે, આરોપીઓએ અમરેલી, ધોળકા, સાણંદ, મહેમદાબાદ, વિરમગામ, માણસા, ગારીયાધાર વગેરે વિસ્તારમાં આવેલા મંદિરોને નિશાન બનાવી ચોરી આચરી હતી. એવો પણ ખુલાસો થયો કે, અતુલ સોની અને ભરત સોની બંને સોનાના દાગીના બનાવવાનું કામ કરતા હતા. ત્યારે બધુ જ બરાબર ચાલી રહ્યું હતું. પણ કોરોનાકાળ આવતા ધંધામા મંદી આવી હતી. એ પછી તેઓએ જમીન દલાલીનું કામ ચાલુ કર્યુ હતુ.
ઘરમાં લગાવેલા સિક્રેટ કેમેરામાં કેદ થઈ પત્નીની ‘ગંદી હરકતો’, દીકરીને પણ નહોતી છોડી
દેવું થતા ચોરીના રવાડે ચઢી ગયા
જમીન દલાલીના ધંધામાં પણ મંદી આવી અને માથે દેવું થઈ ગયું હતું. હવે આ દેવામાંથી બહાર કેવી રીતે આવવું? એટલે દેવામાંથી બહાર આવવા માટે તેઓએ ચોરીનો રસ્તો અપનાવ્યો હતો. દેવામાંથી બહાર આવવા માટે તેઓએ મંદિરોને નિશાન બનાવ્યા અને ચોરી કરી હતી. આરોપીઓ મંદિરમાંથી છત્ર, હાર, બુટ્ટી, સેર જેવા સોનાના દાગીનાની ચોરી કરતા હતા. હવે, આ આરોપીઓએ ચોરીનો મુદ્દામાલ કોને વેચ્યો છે એ જાણવા ક્રાઈમ બ્રાંચે આગળની તપાસ હાથ ધરી છે.

ભાઈજાનની દરિયાદિલી, ગરીબ ફેન્સ માટે મફતમાં રાખ્યો ફિલ્મનો શો

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : two brothers arrested by crime branch for theft in temple in gujarat
Gujarati News from I Am Gujarat, TIL Network



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here