Lokesh Rahul: તે BCCI ગાઈડલાઈન્સનો ભંગ છેઃ લોકેશ રાહુલ પર રોષે ભરાઈ પંજાબ કિંગ્સ ટીમ – ipl 2022 it is against bcci guidelines punjab kings angry on lokesh rahul

0


હાઈલાઈટ્સ:

  • ઈન્ડિયન પ્રીમિયર લીગ (આઈપીએલ)ની ફ્રેન્ચાઈઝી પંજાબ કિંગ્સ લોકેશ રાહુલથી ઘણી નારાજ છે
  • ફ્રેન્ચાઈઝીનું કહેવું છે કે જો તેણે પહેલાથી જ નવી ફ્રેન્ચાઈઝીએ સંપર્ક કર્યો હોય તો તે અનૈતિક છે
  • પંજાબ કિંગ્સે ફક્ત મયંક અગ્રવાલ અને અર્શદીપ સિંહને જ રિટેન કર્યા છે

ઈન્ડિયન પ્રીમિયર લીગ (આઈપીએલ)ની ફ્રેન્ચાઈઝી પંજાબ કિંગ્સ લોકેશ રાહુલથી ઘણી નારાજ છે. છેલ્લી બે સિઝનમાં સુકાની તરીકે રાહુલને તમામ છૂટ આપવામાં આવી હોવા છતાં તે ફ્રેન્ચાઈઝી છોડી રહ્યો છે જેના કારણે પંજાબ કિંગ્સ નારાજ છે. ફ્રેન્ચાઈઝીનું કહેવું છે કે જો તેણે પહેલાથી જ નવી ફ્રેન્ચાઈઝીએ સંપર્ક કર્યો હોય તો તે અનૈતિક છે.

આઈપીએલ-2020 પહેલા રાહુલને રવિચંદ્રન અશ્વિનના સ્થાને કેપ્ટન બનાવવામાં આવ્યો હતો. તેણે શાનદાર બેટિંગ પ્રદર્શન કર્યું હતું પરંતુ ટીમને પ્લેઓફમાં લઈ જવામાં નિષ્ફળ રહ્યો હતો. હવે તે નવી ટીમ લખનઉ સાથે જોડાશે તેવી ચર્ચા ચાલી રહી છે અને મીડિયા અહેવાલોનું માનવામાં આવે તો તે આરપીએસજી ગ્રુપની માલિકીની ટીમનું નેતૃત્વ કરવા માટે તૈયાર છે.

IPL 2022: પંડ્યા બ્રધર્સથી મુંબઇ ઇન્ડિયન્સનો મોહભંગ, ના કર્યા રિટેન
પંજાબ કિંગ્સના કો-ઓનર નેસ વાડિયાએ જણાવ્યું હતું કે, અમે રાહુલને રિટેન કરવા ઈચ્છતા હતા પરંતુ તે પાછો હરાજીમાં જવા ઈચ્છતો હતો. જો તે પહેલા કોઈ ફ્રેન્ચાઈઝીએ તેનો સંપર્ક કર્યો હોય તો તે અનૈતિક છે. લખનઉ ટીમે રાહુલનો સંપર્ક કર્યો હોવાના રિપોર્ટ અંગે વાડિયાએ જણાવ્યું હતું કે, હું આશા રાખું છું કે તેમ ન થયું હોય કેમ કે તે બીસીસીઆઈની ગાઈડલાઈન વિરુદ્ધ છે.

રવિન્દ્ર જાડેજા પર મૂકવામાં આવ્યો હતો એક વર્ષનો પ્રતિબંધ
2010માં રવિન્દ્ર જાડેજા પર આવા જ એક કિસ્સામાં એક વર્ષનો પ્રતિબંધ મૂકવામાં આવ્યો હતો. તેની ટીમ રાજસ્થાન રોયલ્સે તેને રિલીઝ કર્યો તે પહેલા તેણે અન્ય એક ટીમ સાથે ડીલ અંગે ચર્ચા કરી હતી.
IPL-2022: ચેન્નઈએ ધોની કરતા રવિન્દ્ર જાડેજા પાછળ વધુ રૂપિયા ખર્ચ્યા
અમદાવાદ અને લખનઉ ટીમ ત્રણ ખેલાડીની પસંદગી કરી શકે છે
આઈપીએલની બે નવી ટીમો અમદાવાદ અને લખનઉ પાસે મંગળવારે રિલીઝ કરવામાં આવેલા ખેલાડીઓમાં ત્રણ ખેલાડીઓની પસંદગી કરવા માટે 25 ડિસેમ્બર સુધીનો સમય છે. રિલીઝ કરવામાં આવેલા ખેલાડીઓમાં રવિચંદ્રન અશ્વિન, હાર્દિક પંડ્યા, રાશિદ ખાન અને યુઝવેન્દ્ર ચહલ જેવા મોટા નામ પણ સામેલ છે.

તો અશ્વિનને ફરીથી ટીમમાં લાવી શકે છે પંજાબ
પંજાબ કિંગ્સ ટીમ અશ્વિનને ટીમમાં સામેલ કરવા માટે આતુર છે. જો નવી ટીમ અશ્વિનની પસંદગી કરતી નથી અને તે મેગા ઓક્શનમાં આવશે તો પંજાબ તેને પોતાની ટીમમાં સામેલ કરી શકે છે. પંજાબે ફક્ત મયંક અગ્રવાલ અને અર્શદીપ સિંહને જ રિટેન કર્યા છે અને તેની પાસે સૌથી વધુ 72 કરોડ રૂપિયાનું પર્સ છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here