serum institude of india: ઓમિક્રોનનો ખતરોઃ સીરમ ઇન્સ્ટિટ્યૂટે બૂસ્ટર ડોઝ તૈયાર કરવા DCGI પાસે માંગી મંજૂરી – omicron variant serum institude looking for dcgi approval for booster dose

0


હાઈલાઈટ્સ:

  • સીરમ ઇન્સ્ટિટ્યૂટે કોવિશીલ્ડ વેક્સીનનો બૂસ્ટર ડોઝ તૈયાર કરવા માટે મંજૂરી માંગી છે
  • અન્ય દેશોની જેમ ભારતમાં પણ મોટા પ્રમાણમાં લોકોએ કોવિશીલ્ડના બંને ડોઝ લીધા છે
  • બંને ડોઝ લઇ ચૂકેલો લોકો ઓમિક્રોનને લઇને બૂસ્ટર ડોઝની ડિમાન્ડ કરી રહ્યા છે

નવી દિલ્હીઃ દુનિયાભરના દેશો પર કોરોના વાયરસના નવા વેરિયન્ટ ઓમિક્રોનના વધતાં ખતરા રસી ઉત્પાદનમાં અગ્રણી કંપની સીરમ ઇન્સ્ટિટ્યૂટે તૈયારી શરું કરી દીધી છે. કંપનીએ એની કોરોના વેક્સીન કોવિશીલ્ડનો બૂસ્ટર ડોઝ તૈયાર કરવા માટે DCGI પાસે મંજૂરી માંગી છે. સીરમ ઇન્સ્ટિટ્યૂટના અધિકારીએ આ અંગેની માહિતી આપી છે.

સીરમ ઇન્સ્ટિટ્યૂટમાં ગવર્નમેન્ટ એન્ડ રેગુલેટરી એફેર્સના ડાયરેક્ટર પ્રકાશ કુમાર સિંહે જણાવ્યું કે, કંપનીએ ડ્રગ્સ કન્ટ્રોલર જનરલ ઓફ ઇન્ડિયા સમક્ષ મંજૂરી પત્ર રજૂ કર્યો છે. તેમણે જણાવ્યું કે, યુકે મેડિસિન એન્ડ હેલ્થકેર પ્રોડક્ટ્સ રેગુલેટરી એજન્સીએ એસ્ટ્રાજેનેકાનો બૂસ્ટર ડોઝ તૈયાર કરવાની મંજૂરી આપી દીધી છે.

પ્રકાશ સિંહે જણાવ્યું કે, દુનિયાભરના દેશો કોરોના મહામારી સામે લડી રહ્યા છે. એવામાં અનેક એવા દેશ છે જેમણે કોરોના વેક્સીનનો બૂસ્ટર ડોઝ લગાવાનું શરું કરી દીધુ છે. માહિતી મુજબ, મંજૂરી માટે કરેલી અરજીમાં કંપનીએ કહ્યું છે કે, અન્ય દેશોની જેમ ભારતમાં પણ બહુ મોટા પ્રમાણમાં લોકોએ કોવિશીલ્ડ વેક્સીનના બંને ડોઝ લીધા છે. એવામાં તેઓ બૂસ્ટર ડોઝની ડિમાન્ડ કરી રહ્યા છે. તેમણે જણાવ્યું કે, હાલમાં દેશમાં કોવિશીલ્ડ વેક્સીન ડોઝ પૂરતો પ્રમાણમાં છે. એવામાં બંને ડોઝ લઇ ચૂકેલા લોકો ઓમિક્રોનના વધતાં ખતરાને ધ્યાનમાં રાખીને બૂસ્ટર ડોઝની માંગ કરી રહ્યા છે. આવા સમયે લોકોને બૂસ્ટર ડોજ લેવાની મંજૂરી વહેલી તકે મળવી જોઇએ.

નોંધનીય છે કે, દેશભરમાં શરું થયેલા કોરોના રસીકરણ અભિયાનમાં સરકાર દ્વારા કોવિશીલ્ડ અને કોવેક્સીન રસી આપવામાં આવી રહી છે. ખાનગી ક્ષેત્ર અન્ય વેક્સીન જેમ કે રશિયાની સ્પુતનિક પણ મળી રહી છે. એવામાં ભારતની મોટાભાગની વસ્તીને કોવિશીલ્ડ રસીના ડોઝ લગાવવામાં આવ્યા છે. કોવિશીલ્ડ વેક્સીન સીરમ ઇન્સ્ટિટ્યૂટ દ્વારા તૈયાર કરવામાં આવી છે. પરંતુ હાલમાં દુનિયાભરમાં ઓમિક્રોનના વધતાં ખતરાને જોતાં વેક્સીનની બૂસ્ટર ડોઝની જરુરિયાત ઉભી થઇ છે. ભારત સહિત દુનિયાના તમામ દેશો હવે રસીકરણ અભિયાનને વેગ આપવા પર જોર આપી રહ્યા છે. એવામાં દેશમાં વેક્સીનના બંને ડોઝ લઇ ચૂકેલા લોકોને વેક્સીનનો બૂસ્ટર ડોઝ સમયસર મળી રહે એ માટે સીરમ ઇન્સ્ટિટ્યૂટ દ્વારા તૈયારી શરું કરવામાં આવી રહી છે.

‘ઓમીક્રોન’ને લઇને WHOએ આપી ચેતવણી, કહ્યું-અત્યંત જોખમી છે નવો વેરિયન્ટ
ઓમિક્રોનનો ડર: 15 ડિસે.થી ઈન્ટરનેશનલ ફ્લાઈટ શરુ કરવાનો નિર્ણય પડતો મૂકાયોપ્રતિબંધો છતાં 13 દેશો સુધી પહોંચી ગયો ઓમીક્રોન, ભારત માટે પણ ચિંતાનો વિષય



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here