night curfew in gujarat: ગુજરાતના 8 મહાનગરોમાં રાત્રિ કર્ફ્યુનો સમય ઘટાડાયો, રેસ્ટોરન્ટ રાત્રે 12 સુધી ખુલ્લી રહેશે – amid coronavirus night curfew in big 8 cities in gujarat will be remain from 1 to 5 as per new guidelines

0


હાઈલાઈટ્સ:

  • રેસ્ટોરાંને રાત્રે 12 વાગ્યા સુધી ખુલ્લી રાખવાની મંજૂરી આપવામાં આવી છે.
  • આ સિવાય લગ્નપ્રસંગમાં ખુલ્લા અથવા બંધ સ્થળે 400 લોકોને છૂટ આપવામાં આવી છે.
  • સિનેમા હોલ 100 ટકા બેઠક ક્ષમતા સાથે ચાલુ રાખી શકાશે.

અમદાવાદ: ગુજરાતમાં કોરોના વાયરસના કેસો ઘટીને તળિયે આવી ગયા છે ત્યારે 8 મહાનગરપાલિકામાં રાત્રિ કર્ફ્યુમાં 1 કલાકની રાહત આપવામાં આવી છે. ગુજરાતની 8 મહાનગરપાલિકામાં હવે રાત્રે 1 વાગ્યાથી સવારે 5 વાગ્યા સુધી કર્ફ્યુ યથાવત રહેશે. જ્યારે રેસ્ટોરાંને રાત્રે 12 વાગ્યા સુધી ખુલ્લી રાખવાની મંજૂરી આપવામાં આવી છે. આ સિવાય લગ્નપ્રસંગમાં ખુલ્લા અથવા બંધ સ્થળે 400 લોકોને છૂટ આપવામાં આવી છે. પરંતુ, સરકારના ઓનલાઈન પોર્ટલ પર લગ્નની નોંધણી કરાવવાની રહેશે.

ગુજરાતના મુખ્ય 8 શહેરો અમદાવાદ, વડોદરા, સુરત, રાજકોટ, ભાવનગર, જામનગર, જુનાગઢ, ગાંધીનગરમાં તારીખ 1 ડિસેમ્બર, 2021ના રોજ રાત્રે 1થી તારીખ 10 ડિસેમ્બર, 2021ના સવારના 5 કલાક સુધી (દરરોજ રાત્રિના 1થી સવારના 5 સુધી) રાત્રિ કર્ફ્યુ પૂર્વવત અમલમાં રહેશે. તમામ દુકાનો, વાણિજ્યિક સંસ્થાઓ, લારી-ગલ્લાઓ, શોપિંગ કોમ્પ્લેક્સ, માર્કેટિંગ યાર્ડ, અઠવાડિક ગુજરી બજાર-હાટ, હેર કટિંગ સલૂન, બ્યુટી પાર્લર તેમજ અન્ય વ્યાપારિક ગતિવિધિઓ રાત્રિના 12 કલાક સુધી ખુલ્લા રાખી શકાશે. જ્યારે રેસ્ટોરન્ટ્સ રાત્રિના 12 કલાક સુધી મહત્તમ 75 ટકા બેઠક ક્ષમતા સાથે કોરોના ગાઈડલાઈનનું પાલન કરવાની શરતે નિયત એસઓપીને આધિન ચાલુ રાખી શકાશે. હોમ ડિલિવરી તથા ટેક અવે પણ 12 વાગ્યા સુધી ચાલુ રાખી શકાશે. સિનેમા હોલ 100 ટકા બેઠક ક્ષમતા સાથે ચાલુ રાખી શકાશે. જીમ 75 ટકા ક્ષમતા સાથે કોરોના ગાઈડલાઈનનું પાલન કરવાની શરતે નિયત એસઓપીને આધિન ચાલુ રાખી શકાશે. અંતિમ ક્રિયા અને દફનવિધિ માટે મહત્તમ 100 વ્યક્તિઓની મંજૂરી રહેશે. તમામે ફેસ કવર, માસ્ક અને સોશિયલ ડિસ્ટન્સિંગનું પૂર્વવત ચુસ્તપણે પાલન કરવાનું રહેશે.

ગુજરાતમાં આજે કોરોના વાયરસના નવા 40 કેસ નોંધાયા છે. રાજ્યમાં આજે સાંજે 4 વાગ્યા સુધીમાં કુલ 5,38,943 વ્યક્તિઓનું રસીકરણ કરવામાં આવ્યું. રાજ્યમાં કોવિડ-19માંથી સાજા થવાનો દર 98.75 ટકા છે. રાજ્યમાં આજે 27 દર્દીઓ સાજા થયા જ્યારે અત્યાર સુધીમાં 8,17,108 દર્દીઓએ કોરોનાને હરાવ્યો છે. ગુજરાતમાં કોરોનાના એક્ટિવ કેસો 275 છે જેમાં 7 દર્દી વેન્ટિલેટર પર જ્યારે 268 દર્દીઓ સ્ટેબલ છે. રાજ્યમાં અત્યાર સુધીમાં કોરોનાના કારણે કુલ 10092 દર્દીઓના મોત થયા છે. છેલ્લા 24 કલાકમાં અમદાવાદમાં 10, જામનગર અને વડોદરામાં 7-7, સુરતમાં 4, નવસારીમાં 3, ભાવનગર અને કચ્છમાં 2-2, આણંદ-ગાંધીનગર કોર્પોરેશન-ગીર સોમનાથ-વડોદરા (જિલ્લા), વલસાડમાં 1 કેસ નોંધાયો છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here