Shreyas Iyer: ન્યૂઝીલેન્ડ સામે પ્રથમ ટેસ્ટના સ્ટાર ઐય્યરને થયો ફાયદો, આ યાદીમાં કરી એન્ટ્રી – icc test ranking shreyas iyer enters batting charts rohit and kohli retain spots

0


હાઈલાઈટ્સ:

  • આઈસીસી ટેસ્ટ રેન્કિંગમાં રોહિત શર્મા અને વિરાટ કોહલીએ પોતાનું સ્થાન જાળવી રાખ્યું છે
  • ઓપનર શુભમન ગિલ છ સ્થાનના કૂદકા સાથે 66માં અને રિદ્ધિમાન સહા પણ 99માં સ્થાને પહોંચી ગયો છે
  • બોલર્સ રેન્કિંગમાં રવિન્દ્ર જાડેજા બે સ્થાનના ફાયદા સાથે 19માં સ્થાને આવી ગયો છે

આઈસીસી ટેસ્ટ રેન્કિંગમાં રોહિત શર્મા અને વિરાટ કોહલીએ પોતાનું સ્થાન જાળવી રાખ્યું છે. જ્યારે બોલર્સ રેન્કિંગમાં ઓફ-સ્પિનર રવિચંદ્રન અશ્વિન બીજા સ્થાને યથાવત છે. બેટર રેન્કિંગમાં રોહિત શર્મા પાંચમાં અને વિરાટ કોહલી છઠ્ઠા ક્રમે છે. અશ્વિને પોતાનું સ્થાન જાળવી રાખ્યું છે જ્યારે ઝડપી બોલર જસપ્રિત બુમરાહ એક સ્થાનના નુકસાન સાથે 10માં ક્રમે આવી ગયો છે.

IPL 2022: પંડ્યા બ્રધર્સથી મુંબઇ ઇન્ડિયન્સનો મોહભંગ, ના કર્યા રિટેન
જોકે, ન્યૂઝીલેન્ડ સામે રમાયેલી પ્રથમ ટેસ્ટ મેચમાં રોહિત, કોહલી અને બુમરાહ રમ્યા ન હતા. આ મેચ ડ્રો રહી હતી. જોકે, આ મેચ દ્વારા ટેસ્ટ કારકિર્દીનો પ્રારંભ કરનારા શ્રેયસ ઐય્યરે શાનદાર પ્રદર્શન કર્યું હતું. કાનપુરમાં રમાયેલી પ્રથમ ટેસ્ટમાં ઐય્યરે પ્રથમ દાવમાં સદી અને બીજા દાવમાં અડધી સદી ફટકારી હતી. આ સાથે જ તે બેટિંગ રેન્કિંગમાં 74માં સ્થાને આવી ગયો છે.
IPL-2022: ચેન્નઈએ ધોની કરતા રવિન્દ્ર જાડેજા પાછળ વધુ રૂપિયા ખર્ચ્યાજ્યારે ઓપનર શુભમન ગિલ છ સ્થાનના કૂદકા સાથે 66માં અને રિદ્ધિમાન સહા પણ 99માં સ્થાને પહોંચી ગયો છે. આ બંનેએ પ્રથમ ટેસ્ટમાં અડધી સદી ફટકારી હતી. બોલર્સ રેન્કિંગમાં રવિન્દ્ર જાડેજા બે સ્થાનના ફાયદા સાથે 19માં સ્થાને આવી ગયો છે. જ્યારે ઓલરાઉન્ડર યાદીમાં બીજા ક્રમે આવી ગયો છે. અશ્વિન આ યાદીમાં ત્રીજા ક્રમે છે.

બીજી તરફ ભારત સામેની ટેસ્ટમાં 95 અને 52 રનની શાનદાર ઈનિંગ્સ રમનારા ન્યૂઝીલેન્ડનો ઓપનર ટોમ લાથમ બેટરની યાદીમાં ટોપ-10માં આવી ગયો છે. તે 14માં સ્થાનથી છલાંગ લગાવીને નવમાં ક્રમે આવી ગયો છ. જ્યારે ઝડપી બોલર કાયલે જેમિસન બોલર્સ રેન્કિંગમાં નવમાં સ્થાને આવી ગયો છે. તેણે ભારત સામેની મેચમાં બંને દાવમાં ત્રણ-ત્રણ વિકેટ ઝડપી હતી. ભારત અને ન્યૂઝીલેન્ડ વચ્ચેની ટેસ્ટ મેચ રોમાંચક રહી હતી અને મેચ અંતિમ દિવસે અંતિમ બોલ સુધી રમાઈ હતી. બંને ટીમોએ અદ્દભુત પ્રદર્શન કર્યું હતું. ભારત ન્યૂઝીલેન્ડની એક વિકેટ ન ઝડપી શકવાના કારણે મેચ ડ્રો રહી હતી.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here