colour discrimination in indian cricket: મેં જીવનભર રંગભેદનો સામનો કર્યો, ભારતીય ક્રિકેટરનો ચોંકાવનારો ખુલાસો – i have faced colour discrimination all his life says former indian leg spinner laxman sivaramakrishnan

0


હાઈલાઈટ્સ:

  • ભારતના પૂર્વ લેગ સ્પિનર લક્ષ્મણ શિવરામકૃષ્ણને કહ્યું કે, તેમણે આખી જિંદગી રંગભેદનો સામનો કર્યો છે.
  • આ પહેલા અભિનવ મુકુંદે 2017માં રંગભેદનો મુદ્દો ઉઠાવ્યો હતો.
  • ભારતના પૂર્વ ફાસ્ટ બોલર ડોડા ગણેશે પણ મુકુંદનું સમર્થન કર્યું હતું.

નવી દિલ્હી: ક્રિકેટની દુનિયામાં રંગભેદ નવો મુદ્દો નથી. ભારતના પૂર્વ લેગ સ્પિનર લક્ષ્મણ શિવરામકૃષ્ણનનું કહેવું છે કે, ‘દેશમાં મેં પણ જીવનભર તેનો સામનો કર્યો છે.’ ભારત માટે 9 ટેસ્ટ અને 16 વન-ડે મેચ રમી ચૂકેલા શિવરામકૃષ્ણે શનિવારે ટ્વિટર પર એક પોસ્ટમાં પ્રતિક્રિયા આપી, જેમાં તેમણે કોમેન્ટેટર્સ દ્વારા ઓનલાઈન ટ્રોલિંગ કરવા અંગે જણાવ્યું.

તેમણે ટ્વિટર પર લખ્યું કે, ‘મેં આખી જિંદગી રંગને લઈને ટીકાનો સામનો કર્યો, એટલે તે હવે મને પરેશાન નથી કરતું. કમનસીબથી તે આપણા દેશમાં થાય છે.’ એક ટ્વિટર યૂઝરે પોસ્ટમાં શિવરામકૃષ્ણનને ટેગ કરતા લખ્યું, ‘આ ટીકાઓ તેમને લઈને યોગ્ય નથી, કેમકે તેમના જેવા લોકો સ્પિનરોને પ્રત્સાહન આપવાની વાત કરે છે. જ્યારે તે સ્પિનની ઝીણવટભરી બાબતો અને ટેકનિકને જણાવે છે તો યુવા સ્પિનર કે કોચો માટે ફાયદાકારક હોય છે.’

આ પહેલા, ભારતીય ક્રિકેટર અભિનવ મુકુંદે સોશિયલ મીડિયા પર આ મુદ્દો ઉઠાવ્યો હતો. 2017માં મુકુંદે એક પોસ્ટ કરી હતી, જેમાં જણાવ્યું હતું કે, કઈ રીતે તેણે દેશમાં રંગભેદનો સામનો કર્યો હતો. મુકુંદે ટ્વિટર કહ્યું હતું કે, ‘હું 10 વર્ષની ઉંમરથી ક્રિકેટ રમી રહ્યો છું અને હું ધીરે-ધીરે આગળ વધી રહ્યો છું, જ્યાં પણ હું છું. ટોચના લેવલ પર દેશનું પ્રતિનિધિત્વ કરવાની તક મળવી સન્માની વાત છે.’

શ્રેયસ ઐયરે ડેબ્યુ ટેસ્ટમાં દિગ્ગજોના રેકોર્ડ તોડ્યા, ગાવસ્કરને પણ પાછળ છોડ્યા

તેણે વધુમાં લખ્યું હતું કે, ‘હું આજે સહાનુભૂતિ કે ધ્યાન આકર્ષિત કરવા માટે આ નથી લખી રહ્યો, પરંતુ આ મુદ્દે લોકોની માનસિકતા બદલવાનો પ્રયાસ કરી રહ્યો છું. હું 15 વર્ષની ઉંમરથી દેશ-દુનિયામાં મુસાફરી કરી રહ્યો છું. મારી નાની ઉંમરથી જ લોકો માટે મારો રંગ રહસ્ય બની રહ્યો છે.’ મુકુંદના કહેવા મુજબ, ‘જે પણ ક્રિકેટને અનુસરે છે, તે તેને જરૂર સમજશે. હું તડકામાં ઘણી મહેનત કરતો હતો. મને એક વખત પણ એ વાત પર કોઈ પસ્તાવો નથી થયો કે, આ દરમિયાન મારો રંગ અલગ થઈ ગયો અને જેવું પણ છે મને પસંદ છે. હું ચેન્નઈથી આવું છું, જે કદાચ દેશનો સૌથી ગરમ સ્થાનોમાંથી એક છે અને મને ખુશી-ખુશી મારું મોટાભાગનું જીવન ક્રિકેટના મેદાનમાં વિતાવ્યું છે.’

ભારતના પૂર્વ ફાસ્ટ બોલર ડોડા ગણેશે પણ મુકુંદનું સમર્થન કર્યું, જેણે રંગભેદના પોતાના અનુભવ વિશે પણ કેટલાક રાજ ખોલ્યા. ડોડા ગણેશે સોશિયલ મીડિયા પર પોસ્ટ કરી હતી કે, ‘મુકુંદની આ કહાનીએ મને મારા ખેલના દિવસોમાં વંશીય ટિપ્પણીઓની યાદ અપાવી દીધી. માત્ર એક ભારતીય લીજેન્ડ એ વાતના સાક્ષી છે, જેમણે મને ભારત અને કર્ણાટક માટે 100થી વધુ મેચ રમવાની પ્રેરણા આપી.’ જોકે, ગણેશે કહ્યું કે, તે 90ના દાયકામાં વંશીય ભેદભાવ કે રંગભેદને સમજતો ન હતો. ગણેશ હવે આશા રાખે છે કે, ભવિષ્યમાં કોઈપણ ભારતીય આ પ્રકારની પરિસ્થિતિમાંથી પસાર ન થાય.
ક્રિકેટ જગતમાં ખળભળાટઃ ઝિમ્બાબ્વેમાં શ્રીલંકાની 6 મહિલા ક્રિકેટ ખેલાડીઓ કોરોના પોઝિટિવ
તેણે આગળ કહ્યું કે, ‘પ્રામાણિકતાથી કહું તો મને 90ના દાયકામાં રંગભેદની ગંભીરતાની જાણ ન હતી અને તેને વ્યક્ત કરવાનું કોઈ સ્ટેજ ન હતું. આશા છે કે, ભવિષ્યમાં કોઈપણ ભારતીય આ પ્રકારની સ્થિતિમાંથી પસાર નહીં થાય.’ યોર્કશર તરફથી રમનારા અઝીમ રફીકે એલેક્સ હેલ્સ અને ઈંગ્લેન્ડના પૂર્વ કેપ્ટન માઈકલ વોન પર કથિત રીતે વંશીય ટિપ્પણી કરવાનો આરોપ લગાવ્યો તે પછી ક્રિકેટમાં વંશીય ભેદભાવ કે રંગભેદનો મામલો સામે આવ્યો છે અને રફીકના ખુલાસા પછી હેલ્સે તેની માફી માંગી લીધી છે.

ક્રિકેટર યુજવેન્દ્ર અને પત્ની ધનશ્રીનો કૂલ કેઝ્યુઅલ લૂક



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here