vodafone idea 5G: વોડાફોન આઈડિયાની 5G ટ્રાયલમાં ઈન્ટરનેટની સ્પીડ અંગે નોકિયાનો ચોંકાવનારો દાવો – nokia claims more than 9 gbps 5g speed on vi network during trial in gandhinagar

0


હાઈલાઈટ્સ:

  • દેશમાં હાલ વોડાફોન આઈડિયા ઉપરાંત, જિયો અને એરટેલ પણ 5Gની ટ્રાયલ લઈ રહ્યા છે
  • નોકિયા વોડાફોન આઈડિયાને 5G નેટવર્કના સાધનો પૂરા પાડી રહી છે
  • ગાંધીનગરમાં 5Gની ટ્રાયલ દરમિયાન 9.85 Gbpsની ટોપ સ્પીડ નોંધાઈ હોવાનો કંપનીનો દાવો

અમદાવાદ: દેશમાં 5Gની શરુઆતની ઘડીઓ પૂરજોશમાં તૈયારી ચાલી રહી છે. તેવામાં વોડાફોન આઈડિયાને તેના સર્વિસ પૂરી પાડી રહેલી નોકિયાએ ઈન્ટરનેટની સ્પીડને લઈને મોટો દાવો કર્યો છે. નોકિયાના જણાવ્યા અનુસાર, 5G ટ્રાયલ્સ દરમિયાન 9.85 જીબીપીએસની ટોપ સ્પીડ પ્રાપ્ત થઈ છે. બેક એન્ડ તેમજ ડેટા ટ્રાન્સમિશનમાં આ સ્પીડ મળી હતી. આ ટ્રાયલ ગુજરાતના પાટનગર ગાંધીનગરમાં લેવાઈ હતી.

નોકિયાએ આ અંગે કરેલા ટ્વીટમાં જણાવ્યું હતું કે VI સાથે 5Gની ટ્રાયલમાં સ્મોલસેલ્સ અને મેક્રોસેલ્સને કનેક્ટ કરીને 9.5 GBPSની ટોપ સ્પીડ પ્રાપ્ત કરી હતી. જે સ્થળ પર ફાઈબર ઓપ્ટિક નાખવા મુશ્કેલ હોય ત્યાં આ ટેક્નોલોજીનો ઉપયોગ કરવામાં આવે છે.

હાઈ ફ્રિકવન્સી E બેન્ડનો ઉપયોગ મોબાઈલ નેટવર્કને બેક એન્ડ સાથે કનેક્ટ કરવા માટે થશે, આ બેન્ડથી મોબાઈલ ઈન્ટરનેટમાં ઓપ્ટિક ફાઈબર જેવી સ્પીડ મળશે. સપ્ટેમ્બર મહિનામાં વોડાફોન આઈડિયાએ દાવો કર્યો હતો કે પુણેમાં 5G ટ્રાયલ્સ દરમિયાન તેના નેટવર્ક પર 3.7 Gbpsની સર્વોચ્ચ સ્પીડ નોંધાઈ છે. જે દેશના કોઈપણ અન્ય ઓપરેટર કરતાં વધારે છે. એટલું જ નહીં, ગાંધીનગર અને પુણેમાં મિડ-બેન્ડ સ્પેક્ટ્રમમાં પણ 1.5 Gbpsની ડાઉનલોડ સ્પીડ નોંધાઈ હોવાનું કંપનીએ જણાવ્યું હતું.

VIને 5G નેટવર્ક ટ્રાયલ માટે ડિપાર્ટમેન્ટ ઓફ ટેલિકોમ્યુનિકેશન દ્વારા 26 GHz હાઈ-ફ્રિકવન્સી તેમજ 3.5 GHz સ્પેક્ટ્રમ બેન્ડ એલોટ કરવામાં આવ્યા છે. મે મહિનામાં DoTએ જિયો, એરટેલ તેમજ VIની 5G ટ્રાયલની અરજી મંજૂર કરી હતી. આ કંપનીઓને એરિક્સન, નોકિયા, સેમસંગ તેમજ સી-ડોટ જેવી કંપનીઓ સાથે મળીને 5G નેટવર્કનું છ મહિના માટે ટેસ્ટિંગ કરવાની મંજૂરી આપવામાં આવી છે.

જુન મહિનામાં જિયોએ 1 Gbpsની સર્વોચ્ચ સ્પીડ મળ્યાનો દાવો કર્યો હતો, જ્યારે એરટેલે પણ જુલાઈમાં પોતાના ટેસ્ટિંગ દરમિયાન આટલી જ સ્પીડનો દાવો કર્યો હતો. રિલાયન્સ જિયો 5G ટ્રાયલ્સ માટે પોતાની જ ટેક્નોલોજીનો ઉપયોગ કરી રહી છે. હાલમાં દેશમાં આ ત્રણેય ઓપરેટર્સ 4G મોબાઈલ ઈન્ટરનેટ પૂરું પાડી રહ્યા છે, અને 5Gને લોન્ચ કરવાની તૈયારી કરી રહ્યા છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here