r ashwin: ટેસ્ટ મેચમાં અશ્વિનનો તરખાટઃ ગત રોજ વસીમ અકરમનો રેકોર્ડ તોડ્યો, હવે ભજ્જીની બરાબરી કરી – ind vs nz 1st test: r. ashwin equals harbhajan singh most test wickets records

0


હાઈલાઈટ્સ:

  • પ્રથમ ટેસ્ટ મેચમાં આર. અશ્વિનનું શાનદાર પ્રદર્શન
  • ગત રોજ વસીમ અકરમના સૌથી વધુ વિકેટ લેવાના રેકોર્ડને તોડ્યો
  • આજે હરભજન સિંહના સૌથી વધારે વિકેટ લેવાના રેકોર્ડની બરાબરી કરી

ભારતીય ક્રિકેટ ટીમના અનુભવી ઓફ સ્પિનર આર. અશ્વિને એક દિવસ પહેલાં જ પાકિસ્તાનના દિગ્ગજ વસીમ અકરમના સૌથી વધારે ટેસ્ટ વિકેટો ઝડપવાના રેકોર્ડને તોડ્યો હતો. તેવામાં આજે ભારત અને ન્યૂઝીલેન્ડ વચ્ચેની પ્રથમ કાનપુર ટેસ્ટના ચોથા દિવસે સ્ટમ્પના ઠીક પહેલાં વિલ યંગને આઉટ કરતાં આર. અશ્વિને ટર્બનેટર હરભજન સિંહની બરાબરી કરી દીધી છે. અશ્વિને ટેસ્ટ ક્રિકેટમાં 417 વિકેટ હાંસલ કરી છે, જ્યારે હરભજન સિંહના નામે પણ 103 ટેસ્ટ મેચમાં 417 વિકેટ છે.

આ પ્રકારે અશ્વિનના નામે આ ટેસ્ટમાં ભજ્જીને પાછળ છોડી દેવાનો સોનેરી અવસર હશે, કેમ કે ભારતીય ટીમે પહેલી ટેસ્ટમાં ન્યૂઝીલેન્ડને 284 રનોનો ટાર્ગેટ આપ્યો છે. અને તેની એક વિકેટ પણ પડી ગઈ છે, જ્યારે હજુ 9 વિકેટ બાકી છે. સ્પિનર્સ માટે અનુકૂળ પિચ પર અશ્વિનની પાસે અત્યારે અમુક વિકેટ લેવાના મોકા છે. તમને જણાવી દઈએ કે પાકિસ્તાનના પૂર્વ ફાસ્ટ બોલર વસીમ અકરમે 104 ટેસ્ટ મેચોમાં 414 વિકેટ લીધી હતી.

પોતાના કરિયરની 80મી ટેસ્ટ રમી રહેલા આર. અશ્વિને ન્યૂઝીલેન્ડની સામે કાનપુરના ગ્રીન પાર્ક સ્ટેડિયમમાં કાઈલ જેમીસનને આઉટ કરીને વસીમ અકરમને પછાડી દીધો હતો. જ્યારે વિલ યંગને આઉટ કરીને પણ ભજ્જીના સૌથી વધારે ટેસ્ટ વિકેટોના રેકોર્ડની બરાબરી કરી દીધી છે. ક્રિકેટના સૌથી લાંબા ફોર્મેટમાં સૌથી વધારે વિકેટ લેનાર બોલર્સની લિસ્ટમાં આર. અશ્વિન 13મા નંબરે છે. આર. અશ્વિને (80 મેચો) હરભજન સિંહ (103 ટેસ્ટ) કરતાં અનેક ઓછી ટેસ્ટ મેચો રમી છે.

આમ જોવા જઈએ તો ભારત માટે સૌથી વધારે વિકેટ લેવાનો રેકોર્ડ પૂર્વ લેગ સ્પિનર અનિલ કુંબલેના નામે છે. અનિલ કુંબલેએ પોતાના ટેસ્ટ કરિયર દરમિયાન 619 વિકેટ ઝડપી હતી. અને સૌથી વધારે વિકેટ લેવાના રેકોર્ડમાં બીજા સ્થાને ભારતને પ્રથમ વર્લ્ડ કપ અપાવનાર દિગ્ગજ ક્રિકેટર કપિલ દેવનું નામ છે, જેઓએ ટેસ્ટ મેચમાં પોતાના કરિયર દરમિયાન 434 વિકેટ ઝડપી છે.



Source link

What’s your Reaction?
+1
0
+1
0
+1
0
+1
0
+1
0
+1
0
+1
0

LEAVE A REPLY

Please enter your comment!
Please enter your name here